અમદાવાદઃ ગુરુવારે રાજ્યમાં CAA (citizenship amendment act 2019) સામે વિરોધ નોંધાવવા માટે કરાયેલા બંધના એલાન દરમિયાન અમદાવાદમાં શાહઆલમ વિસ્તારમાં પોલીસની ટૂકડીને ઘેરીને પત્થરમારો તથા પોલીસના વાહનોની તોડફોડ કરવાના ગુનામાં 5000ના ટોળા સામે પોલીસ પર હુમલાનો ગુનો નોંધવામાં આવ્યો છે. હિંસક દેખાવો કરનારા સામે કાર્યવાહી માટે રાજ્યના ગૃહપ્રધાને આદેશ આપી દીધો છે. સ્થાનિક મીડિયા રિપોર્ટ્સ મુજબ શાહઆલમમાં બનેલી ઘટનામાં અત્યાર સુધીમાં 49 લોકોની ધરપકડ કરી લેવામાં આવી છે. શાહઆલમમાં બનેલી ઘટનાના પડઘા દિલ્હીમાં પણ પડ્યા છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
શાહઆલમમાં બનેલી ઘટના સામે પગલા ભરવામાં આવી રહ્યા છે. જેમાં હુમલાના જે વિડીયો સામે આવ્યા છે તેને વધુ ચકાસણી માટે FSLને મોકલવામાં આવ્યા છે અને હિંસકવૃત્તિ કરનારા આરોપીઓને શોધવાની વધુ કોશિશ પણ થઈ રહી છે. ધરપકડ કરવામાં આવેલા લોકોમાં બે મહિલાઓનો સમાવેશ થતો હોવાનું પણ સ્થાનિક મીડિયા રિપોર્ટ્સમાં જણાવવામાં આવી રહ્યું છે.
જુઓ, શાહઆલમમાં કઈ રીતે ટોળાંએ પોલીસ પર હુમલો કર્યો હતો
DGPનો પોલીસને આદેશ
પોલીસ પર થયેલો પત્થર મારો અને કાયદો હાથમાં લેવાની સ્થિતિમાં કરવામાં આવી રહેલી કાર્યવાહી અને અમદાવાદમાં સ્થિતિ વધુ વણસે નહીં તે માટે DGP શિવાનંદ ઝાએ વધુ બે SRP કંપનીઓને અમદાવાદને ફાળવવામાં આવી છે. આ સાથે પોલીસને હેલ્મેટ અને બોડિ પ્રોટેક્શન સાથે બંદોબસ્ત રાખવા માટે આદેશ કરવામાં આવ્યો છે. આ સાથે સતત પેટ્રોલિંગ અને અરાજકતા ફેલાવતા લોકો સામે સખત પગલા ભરવાનો પણ આદેશ આપવામાં આવ્યો છે.
શાહ આલમમાં પથ્થરમારામાં 20 પોલીસકર્મીઓ ઘાયલ
અમિત શાહે મંગાવી માહિતી
અમદાવાદમાં પોલીસ સામે ટોળાએ કરેલી હિંસક વૃત્તિના પડઘા છેક દિલ્હીમાં પડ્યા છે. મહત્વનું છે કે દેશના ગૃહમંત્રી અમિત શાહ ગાંધીનગરના સાંસદ છે અને જેમાં અમદાવાદનો પણ ઘણો ભાગ આવી જાય છે. શાહે અમદાવાદમાં બનેલી હિંસા અંગે વધુ વિગતો મંગાવી છે અને આ ઘટના પર દિલ્હીથી નજર રાખવામાં આવી રહી છે.
ઘાયલ પોલીસકર્મી સારવાર હેઠળ
આ ઘટનામાં ઘાયલ થયેલા પોલીસકર્મીઓને એલજી હોસ્પિટલમાં સારવાર માટે ખસેડવામાં આવ્યા હતા. જેમાંથી આજે સવારે કેટલાક પોલીસકર્મીઓને રજા આપવામાં આવી છે. જ્યારે વધારે ઘાયલ પોલીસકર્મીઓની સારવાર ચાલી રહી છે.
from Page Array – I Am Gujarat https://ift.tt/2PX9qMA
No comments:
Post a Comment