અમદાવાદઃ શહેરમાં રખડતા શ્વાનને ખવડાવવાનું તો દૂર લોકો અડવા પણ નથી માગતા. પોતાના ઘરના દરવાજા પર ગંદુ કરી જશે એમ કહીને મોટાભાગના લોકો કૂતરાઓને મારીને ત્યાંથી ભગાડી દેતા હોય છે. ત્યારે મણીનગર વિસ્તારમાં એક રખડતા કૂતરાને કેનેડામાં પોતાનું ઘર મળી ગયું છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
અમદાવાદના મણીનગર વિસ્તારમાંથી 10 મહિનાનું ડાયલન નામનું આ શ્વાન કેટલાક સેવાભાવી લોકોના પ્રયાસોથી પાછલા શુક્રવારે ટોરન્ટોમાં પોતાના નવા ઘરે પહોંચી ગયું. મણીનગરની રહેવાસી આરોહી ચૌહાણ જણાવે છે, જૂનમાં હું મારા કૂતરાઓને લઈને ચાલવા બહાર નીકળી તો મેં પૂંછ પટપટાવતું એક ગલુંડિયું જોયું. મેં તેને ત્રણ દિવસ સુધી જોયું અને તેને હેલ્થ પ્રોબ્લેમ હોવાની ખબર પડી. ઉપરાંત તેને કેટલાક કૂતરાઓએ બટકા ભર્યા હતા. આથી હું તેને ઘરે લઈ આવી.
એક દિવસે આરોહી ડાયલનને લઈને બહાર ચાલવા માટે નીકળી. આ દરમિયાન એક શાકભાજી વેચનારાએ આરોહીને જણાવ્યું કે કેટલાક લોકો આ કૂતરાને શોધી રહ્યા હતા. અમદાવાદમાં ડોગ્સનું રેસ્ક્યઅર રિચા સિંહે કહ્યું, ‘અમે સ્થાનિક વિસ્તારમાં ડાયલનના પોસ્ટર્સ અને પેમ્ફલેટ્સ્ વહેંચ્યા પરંતુ કોઈએ અમારો સંપર્ક ન કર્યો. આથી અમે તેને એડોપ્ટ કરવાનો નિર્ણય લીધો. અમને ભારતમાં તેને લઈ શકે તેવો કોઈ પરિવાર ન મળ્યો. ભારતમાં માત્ર કેટલાક લોકો જ રખડતા કૂતરાને પાળતુ બનાવે છે અને ભવિષ્યમાં તેને ફરીથી રખડતા છોડી મૂકાય તેવો ભય રહેલો છે.’
આથી રિચા સિંહ અમદાવાદની અન્ય ડોગ રેસ્ક્યુર એકતા જૈનને મળી. એકતાએ જણાવ્યું, ડાયલન હાલમાં મારા પાર્ટનરે અરેન્જ કરેલા કેનેડાના પાલક ઘરમાં રહે છે અને ક્રિસમસ બાદ તે પોતાના ઘરે જશે. ઓનલાઈન ડોનેશન અપીલ દ્વારા ડાયલનની કેનેડાની ટીકિટ માટે 60,000 રૂપિયા એકઠા કરાયા. એકતા મુજબ, કેનેડાના લોકોને રેસ્ક્યુ કરાયેલા કૂતરા ગમે છે અને ઘણીવાર ભારતના કૂતરાની પર્સનાલિટી સારી હોવાનું તેઓ કહેતા હોય છે.
એકતા કહે છે, હું ઈચ્છું છું કે ભારતીયો પણ આ કૂતરાઓને એડોપ્ટ કરે. જણાવી દઈએ કે એકતા 2019માં 20 જેટલા ભારતીય કૂતરાઓને અમેરિકા અને કેનેડાના જુદા જુદા શહેરોમાં મોકલી ચૂકી છે. ડાયલન હવે કેનેડાના ટોરન્ટો શહેરમાં બરફ પર ચાલવાનું અને પોતાના પર્સનલ બ્લેન્કેટમાં ઊંઘવાનો આનંદ માણી રહ્યું છે.
from Page Array – I Am Gujarat https://ift.tt/2EnUD8n
No comments:
Post a Comment