હવામાન વિભાગની આગાહીઃ અમદાવાદ સહિત રાજ્યભરમાં ઠંડી લેશે થોડો વિરામ

અમદાવાદઃ છેલ્લા ઘણા સમયથી પડી રહેલી કડકડતી ઠંડીના કારણે શું તમે પરેશાન થઈ ગયા છો? તો હવે તમારા માટે થોડા રાહતના સમાચાર છે. હવામાન વિભાગના આગાહી પ્રમાણે અમદાવાદ સહિત રાજ્યભરમાં આગામી દિવસોમાં ઠંડીનું જોર ઘટી જશે. સોમવારની વાત કરીએ તો લઘુત્તમ અને મહત્તમ એમ બંને તાપમાનમાં થોડો ઘટાડો જોવા મળ્યો હતો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ભારતીય હવામાન વિભાગ (IMD)ની વેબસાઈટ પ્રમાણે, અમદાવાદમાં સોમવારે મહત્તમ તાપમાન 28.4 ડિગ્રી સેલ્સિઅસ જ્યારે લઘુત્તમ તાપમાન 13.6 ડિગ્રી સેલ્સિઅસ હતું. જે અનુક્રમે સરેરાશ કરતાં 0.7 અને 0.8 ડિગ્રી વધારે હતું. આજે પણ દિવસ દરમિયાન 15 ડિગ્રી તાપમાન રહેશે.

‘પવનની દિશા બદલાવાના કારણે તાપમાનમાં વધારો થયો છે. ઉત્તરના પવનો બાદ રાજ્યને ફરી ઉત્તર-પૂર્વીય પવનનો અનુભવ થઈ રહ્યો છે. સોમવારે નલિયાનું લઘુત્તમ તાપમાન 8.5 ડિગ્રી સેલ્સિઅસ હતું, જ્યારે અન્ય હવામાન મથકો પર લઘુત્તમ તાપમાન 10 ડિગ્રી સેલ્સિઅસ કરતાં વધારે હતું’, તેમ IMDના અધિકારીએ જણાવ્યું. સાથે જ તેમણે કહ્યું કે આજે અને આવતીકાલે (મંગળવાર અને બુધવાર) લઘુત્તમ તાપમાનમાં કોઈ ફેરફાર થશે તેવી શક્યતા નથી.

અધિકારીઓએ તેમ પણ કહ્યું કે, આ શિયાળામાં રાજ્યમાં તાપમાનમાં ચક્રીય વલણ જોવા મળ્યું છે. ‘અમદાવાદની વાત કરીએ તો, દિવસનું તાપમાન સરેરાશ હોય છે જ્યારે રાત્રિ દરમિયાન ઠંડી વધી જાય છે’

દરિયાકિનારે આવેલા વિસ્તારોમાં પણ લઘુત્તમ તાપમાન 10 ડિગ્રી કરતાં વધારે નોંધાયું છે. ઉત્તર અને મધ્ય ગુજરાતમાં 10.8 ડિગ્રી સાથે ડીસા સૌથી વધારે ઠંડુ હતું. જ્યારે અમદાવાદમાં 13.6, વલ્લભવિદ્યા નગરમાં 13.6 અને ગાંધીનગરમાં 14 ડિગ્રી સેલ્સિઅસ તાપમાન નોંધાયું હતું.

કન્યા રાશિના જાતકો માટે કેવું રહેશે આ વર્ષ? 

from Page Array – I Am Gujarat https://ift.tt/2QV3FQf