તેહરાન/બગદાદઃ પોતાના નેતા કાસિમ સુલેમાનીની હત્યાથી ઈરાને વર્ષ 2015માં દુનિયાના 6 મોટા દેશ સાથે કરેલી પરમાણુ ડીલથી એક પગલું પાછળ હટવાનું જાહેર કર્યું છે. ઈરાને કહ્યું કે તે હવે યુરેનિયમનું સંવર્ધન કોઈપણ જાતની દખલ વગર કરશે. જોકે ઈરાને આ સાથે જાહેર કર્યું કે તે સંયુક્ત રાષ્ટ્રની પરમાણુ સર્વેલન્સ સંસ્થા સાથે સહયોગ ચાલુ જ રાખશે. આ વચ્ચે ઈરાકની રાજધાની બગદાદના ગ્રીન ઝોનમાં સોમવારે રાત્રે ફરી એકવાર રોકેટ અને મોર્ટાર વડે હુમલો કરવામાં આવ્યો છે. અહેવાલ મુજબ આ રોકેટ અમેરિકન એમ્બેસી પાસે પડ્યા છે. જોકે તેમાં કોઈને પણ ઈજા પહોંચ્યાના સમાચાર હજુ સુધી સામે આવ્યા નથી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
ઈરાનના સરકારી ટીવી ચેનલે જણાવ્યું કે હવે તેમનો દેશ કોઈપણ પરમાણુ કાર્યક્રમ પર લગાવવામાં આવેલ પાબંદીને માનશે નહીં. પછી તે યુરેનિયમનું સંવર્ધન હોય કે તેની ક્ષમતા હોય. માનવામાં આવે છે કે આ સાથે જ ઈરાને સંકેત આપી દીધા છે કે હવે તે પોતાના પરમાણુ કાર્યક્રમને વધુ આગળ ધપાવશે.
ઈરાને કહ્યું કે જો પોતાના પર લગાવવામાં આવેલ પ્રતિબંધોને તાત્કાલિક દૂર કરવામાં આવે છે તો બની શકે છે કે સમજૂતીની શરતોને તે ફરી માને. જોકે 2015ની સમજૂતીમાંથી ટ્રમ્પ સરકારે અમેરિકાને પાછુ ખેચી લીધા બાદ ઈરાન પર ખૂબ જ આકરા પ્રતિબંધો લાદી દીધા હતા જેના કારણે ઈરાનમાં આર્થિક સંકટ પેદા થઈ ગયું હતું.
આ બધા વચ્ચે ઈરાકમાં અમેરિકન દુતાવસ પર હુમલા શરુ જ છે. રવિવારે મોડી રાત્રે ફરી એકવાર ઈરાન સમર્થિત જૂથે અમેરિકન દુતાવાસ પર રોકેટ અને મોર્ટાર વડે હુમલો કર્યો હતો. જોકે આ હુમલામાં કોઈને ઈજા પહોંચી હોય તેવા અહેવાલ હજુ સુધી આવ્યા નથી. જ્યારે આ પહેલા શનિવારે પણ રોકેટ હુમલા કરવામાં આવ્યા હતા.
Video: અમેરિકન હુમલામાં માર્યા ગયેલા ઈરાનના જનરલ સુલેમાનીની અંતિમ યાત્રામાં ઉમડી લાખોની ભીડ
from Page Array – I Am Gujarat https://ift.tt/39HFFZy
No comments:
Post a Comment