શીખ યુવાનની હત્યા: પાકને ભારતની ફટકાર, ઉપદેશ નહીં સુરક્ષા આપો

નવી દિલ્હી: પાકિસ્તાનમાં લઘુમતીઓ પર થઈ રહેલા અત્યાચારો પર ‘શરમજનક સ્થિતિ અને જૂઠ્ઠાણા’ પર પડદો પાડવાનો નિષ્ફળ પ્રયાસ કરનારા વડાપ્રધાન ઈમરાન ખાન ઉલટો ભારતને ઉપદેશ આપી રહ્યા છે. તો, નાનકાના સાહેબ ગુરુદ્વારા પર હુમલાના 48 કલાકની અંદર જ રવિવારે પેશાવરમાં એક શીખ યુવાનની હત્યા થઈ ગઈ. હવે ભારતે પાકિસ્તાનને ફટકાર લગાવતા તેને બીજા દેશોને ઉપદેશ આપવાને બદલે પોતાને ત્યાં રહેતા લઘુમતીઓની સુરક્ષા સુનિશ્ચિત કરવા કહ્યું છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial

ઉલ્લેખનીય છે કે, નાનકાના સાહેબ ગુરુદ્વારા પર થયેલા હુમલા પર જ્યારે પાકિસ્તાન ઘેરાવા લાગ્યું તો પીએમ ઈમરાન ખાન દુઃખ વ્યક્ત કરવાને બદલે ભારત પર લઘુમતીઓની હેરાનગતિ કરવાનો આરોપ લગાવવા લાગ્યા. બીજી તરફ, ભારતે કહ્યું કે, અમે પેશાવરમાં થયેલા જઘન્ય કૃત્યની ટીકા કરીએ છીએ અને દોષિતોને સજા આપવાની માગ કરીએ છીએ.

નાનકાના સાહેબ ગુરુદ્વારા પર હુમલાના માત્ર બે દિવસ બાદ જ રવિવારે એક શીખ યુવાનની હત્યા કરી દેવાઈ, તે પછી પાકિસ્તાનમાં લઘુમતીઓના ઉત્પીડનનો મામલો ફરી એકવખત ગરમાઈ ગયો છે. ભારતીય વિદેશ મંત્રાલયે સ્ટેટમેન્ટ જારી કરી પાકિસ્તાનને કહ્યું છે કે, તે આ જઘન્ય હત્યાકાંડના દોષિતોની સામે તાત્કાલીક કાર્યવાહી કરે.

વિદેશ મંત્રાલયે કહ્યું કે, ‘ભારત પાકિસ્તાનના પેશાવરમાં લઘુમતી શીખ સમુદાયના સભ્યોને ‘નિશાન બનાવી’ને કરવામાં આવી રહેલી હત્યાની નિંદા કરે છે. અમે પાકિસ્તાન સમક્ષ માગ કરીએ છીએ કે તે સત્યથી દૂર ભાગવાનું બંધ કરે અને આ જઘન્ય કૃત્યના દોષિતોને દંડીત કરવા માટે પગલાં ઉઠાવે.’ મંત્રાલયને કહ્યું કે, ‘પાકિસ્તાને બીજા દેશોને ઉપદેશ આપવાને બદલે પોતાને ત્યાં રહેતા લઘુમતીઓની સુરક્ષા સુનિશ્ચિત કરવા માટે પગલાં ઉઠાવવા જોઈએ.’

India calls upon Pakistan to stop prevaricating and take immediate action to punish culprits of heinous act: MEA

— Press Trust of India (@PTI_News) January 5, 2020

પોતાના લગ્ન માટે મલેશિયાથી પાકિસ્તાન આવ્યો હતો
જે યુવકની હત્યા કરવામાં આવી છે, તેનું નામ રવિંદર સિંહ છે અને તાજેતરમાં જ મલેશિયાથી પોતાના લગ્ન માટે પાકિસ્તાન આવ્યો હતો. રવિવારે તેની લાશ પેશાવરના ચમકની પોલીસ સ્ટેશન વિસ્તારમાં મળી હતી. રવિંદર સિંહ ખેબર પખ્તૂનખ્વાં પ્રાંતના શાંગલા જિલ્લાનો રહેવાસી હતો અને પેશાવરમાં તે પોતાના લગ્નની ખરીદી માટે આવ્યો હતો.

from Page Array – I Am Gujarat https://ift.tt/2sPxTvY