મુંબઈઃ કોરોનાનો કહેર મુંબઈમાં રોકાય તેમ લાગતું નથી. હવે અહીં ચોરીનો આરોપી કોરોના પોઝિટિવ મળી આવ્યા બાદ 24 લોકોને ક્વોરન્ટાઈન કરી દેવાયા છે. જેમાં ગોરેગાંવ વેસ્ટ સ્થિત બાંગુરનગર પોલીસ સ્ટેશનના અધિકારી અને મેજિસ્ટ્રેટ કોર્ટના 2 સ્ટાફર પણ સામેલ છે. 22 વર્ષના આ યુવકને ચોરીના આરોપમાં પકડવામાં આવ્યો હતો. હવે તેના સંપર્કમાં આવનારા તમામ લોકોની તપાસ કરાશે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
કોર્ટમાં લઈ ગયા બાદ પોલીસ કસ્ટડીમાં એક દિવસ વિતાવ્યા બાદ તેને જેલમાં મોકલી દેવામાં આવ્યો. પરંતુ જેલ સુપ્રિટેન્ડેન્ટે તેને અંદર રાખવાથી ઈનકાર કરી દીધો, કારણ કે તેનો કોવિડ-19 ટેસ્ટ નહોતો થયો. આ બાદ પોલીસે તેની તપાસ કરાવી જેમાં તે કોરોના પોઝિટિવ નીકળ્યો.
નામ ન આપવાની શરતે એક પોલીસ અધિકારીએ જણાવ્યું, ‘જેવી તેનામાં કોરોનાની પુષ્ટિ થઈ, તેના સંપર્કમાં આવનારા તમારા લોકોને ઘરમાં ક્વોરન્ટાઈનમાં રહેવા કહેવાયું.’ અધિકારીએ જણાવ્યું કે, પોલીસ હવે બે લોકોને શોધી રહી છે જે તેની સાથે ચોરીની ઘટનામાં ફરાર થઈ ગયા હતા કારણ કે તેમનામાં પણ સંક્રમણ હોવાની આશંકા છે અને તેનાથી અન્ય લોકોના જીવનને ખતરો થઈ શકે છે.
દુકાનદાર પર હુમલો કરીને 3500 રૂપિયા ચોર્યા
પોલીસના સૂત્રો મુજબ, સંક્રમિત યુવકનો એક ક્રિમિનલ રેકોર્ડ છે અને પોલીસના છોડ્યા બાદ તે ગોરેગાંવ વેસ્ટમાં રહેતો હતો. 20 એપ્રિલે તે અને તેના બે મિત્રો નજીકની એક પાનની દુકાને સિગારેટ ચોરી કરવા ગયા હતા. સૂત્રો મુજબ, ત્રણેયે દુકાનદાર પર ચાકુથી હુમલો કર્યો અને 3500 રૂપિયા કેશ લઈને ફરાર થઈ ગયા.
જેલમાં બધા કેદીઓનો કોવિડ-19 ટેસ્ટ અનિવાર્ય
બીજા દુકાનદારો અને રસ્તેથી થતા લોકોએ દોડીને ત્રણમાંથી એક વ્યક્તિને પકડી લીધો અને પોલીસને સોંપી દીધો. દુકાનદારની ફરિયાદ પર FIR નોંધાઈ અને આરોપીને બીજા દિવસે બોરિવલી મેજિસ્ટ્રેટ કોર્ટમાં રજૂ કરાયો અને તેને જેલ મોકલવાનો આદેશ મળ્યો હતો.
from Page Array – I Am Gujarat https://ift.tt/35bluB5
No comments:
Post a Comment