અમદાવાદઃ કોરોના વાયરસના વધતા કેસોને જોતા અમદાવાદ શહેરમાં 13મી એપ્રિલથી દરેક વ્યક્તિએ નાક અને મોઢું ઢંકાય તે રીતે માસ્ક પહેરવાનું ફરજિયાત કરાયું હતું. જોકે પહેલા જ દિવસે AMCની 96 ટીમોએ 27 લોકોને આ નિયમનું ઉલ્લંઘન કરતા પકડ્યા હતા અને 27,000 રૂપિયાનો દંડ વસૂલ્યો હતો. જેમાંથી મોટાભાગનો દંડ કોટવિસ્તારની અંદર કે જ્યાં કોવિડ-19ના કેટલાક કેસો સામે આવ્યા છે તેવા ક્લસ્ટર ક્વોરન્ટાઈન જાહેર કરાયેલા વિસ્તારમાંથી વસૂલાયો હતો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
અમદાવાદ મ્યુનિસિપલ કમિશનર વિજય નેહરાએ રવિવારે નોટિફિકેશન બહાર પાડીને લોકોને ઘરમાંથી બહાર નીકળતા સમયે ફરજિયાત માસ્ક પહેરવા જણાવ્યું હતું. નેહરાએ કહ્યું હતું કે, જે લોકો માસ્ક પહેર્યા વિના પકડાશે તેમની પાસેથી પહેલીવારમાં 1000 રૂપિયા દંડ અને વધુ વખત પકડાશે તો 5000 રૂપિયા સુધીનો દંડ વસૂલવામાં આવશે.
AMCના અધિકારીએ કહ્યું, મોટાભાગના અધિકારીઓ અને પોલીસ કર્મચારીઓ માસ્ક પહેરીને બહાર નીકળતા હોય છે, ત્યારે નાગરિકો સામાન્ય રીતે રૂમાલ બાંધીને નીકળતા હોય છે. અધિકારીએ કહ્યું, મોટાભાગના કેસોમાં હાથરૂમાલ માત્ર ગળામાં લટકાવેલો હોય છે, JET ટીમ અથવા પોલીસને જોઈને તેઓ દંડથી બચવા માટે રૂમાલને ઉપર કરી લે છે. અધિકારીએ કહ્યું, N95 અથવા સર્જિકલ માસ્ક ભાગ્યે જ જોવા મળે છે. મોટાભાગના લોકો કહેતા હોય છે કે હાથ રૂમાલ ધોઈને ફરી વાપરી શકાય છે, પરંતુ સર્જિકલ માસ્ક જેની કિંમત 30થી 100 રૂપિયા સુધી હોય છે, તેને ફેંકી દેવા પડે છે.
અધિકારીએ જણાવ્યું કે, કોરોના વાયરસના ડરથી 90 ટકા લોકો રસ્તા પર નીકળતા સમયે માસ્ક પહેરે છે, તેમાં દંડથી બચવાનો પણ ભય હોય છે. જ્યારે વિજય નેહરાએ ટ્વીટ કર્યું હતું, ખૂબ જ ઉત્સાહજનક રિપોર્ટ્સ આવી રહ્યા છે. મોટાભાગના લોકો ફરજિયાત માસ્ક પહેરી રહ્યા છે. મારુ અમદાવાદ કોરોના વાયરસ સામે લડવા સાથે આવી રહ્યું છે. જ્યારે નવા પશ્ચિમ ઝોનમાં માસ્ક પહેર્યા વિનાનો એકપણ કેસ સામે આવ્યો નહોતો.
from Page Array – I Am Gujarat https://ift.tt/3cdQyCG
No comments:
Post a Comment