કોરોના સંકટમાં લોકોની આર્થિક સ્થિતિ પણ બગડવાની શરૂઆત થઈ છે. ઘણી જગ્યાએ નોકરીમાંથી છૂટા કરવા અથવા પગાર કાપવાના અહેવાલો આવી રહ્યા છે. આવા સમયમાં આર્થિક મુશ્કેલી આવી શકે છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આ સમસ્યાને તાત્કાલિક દૂર કરવા માટે જાહેર ક્ષેત્રની ઇન્ડિયન ઓવરસીઝ બેંક (આઈઓબી) એક વિશેષ લોન આપી રહી છે. મહત્ત્વની વાત એ છે કે ગ્રાહકોને લોનના EMI ચૂકવવા 6 મહિનાની છૂટ આપવામાં આવશે. ચાલો તમને ઇન્ડિયન ઓવરસીઝ બેંકની આ વિશેષ યોજના વિશે વિગતવાર જણાવીએ.
બેંકે આર્થિક સહાય માટે વિશેષ લોન યોજના શરૂ કરી છે. જે અંતર્ગત કોઈપણ સ્વ-સહાય જૂથ (એસએચજી) તેનો લાભ લઈ શકશે.
આ યોજના અંતર્ગત જૂથના સભ્યને મહત્તમ 5000 રૂપિયાની લોન આપવામાં આવશે. જૂથ માટે લોનની મર્યાદા 1 લાખ રૂપિયા નક્કી કરવામાં આવી છે.
જોકે, બેંકે આ વિશેષ યોજના માટે કેટલીક શરતો પણ મૂકી છે. બેંકના જણાવ્યા મુજબ સારા રેકોર્ડ ધરાવતા અને ઇન્ડિયન ઓવરસીઝ બેંકમાંથી ઓછામાં ઓછા બે વાર લોન લેનાર ગ્રુપ્સ જ આ સુવિધા મેળવી શકશે.
આ યોજનાનો લાભ 30 જૂન, 2020 સુધી મેળવી શકાય છે. બેંકના નિયમ મુજબ, ફક્ત તે જ સ્વ-સહાયતા જૂથો આ યોજના હેઠળ લોન લેવા માટે પાત્ર બનશે, જેમની લોન 1 માર્ચ, 2020 સુધી શરું હશે અને તેની ચુકવણી નિયમિત કરવામાં આવી હશે.
બેંકે કહ્યું કે રસ ધરાવતા સ્વ-સહાય જૂથો સીધા બેંક શાખામાં અથવા બેંક સહાયકો દ્વારા આ માટે અરજી કરી શકશે. આ લોન છ કામકાજના દિવસોમાં મંજૂર કરી અને વિતરણ કરવામાં આવશે. લોન 30 માસિક હપ્તા (ઇએમઆઈ) માં ચૂકવવાની રહેશે.
જો કે, પ્રથમ છ મહિના સુધી કોઈ હપ્તો ચૂકવવો પડશે નહીં. આ યોજના હેઠળ, લોન વ્યાજ દર 9.4 ટકા રહેશે. આટલું જ નહીં, બેંક આ યોજના હેઠળની લોન માટે પ્રોસેસિંગ ફી અથવા પૂર્વ ચુકવણી ફી લેશે નહીં.
from Page Array – I Am Gujarat https://ift.tt/2YbtsbX
No comments:
Post a Comment