કોરોના વાયરસઃ શાહરુખે ફરી એકવાર મદદનો હાથ લંબાવ્યો, મંત્રીએ માન્યો આભાર

દેશભરમાં હાલ કોરોના વાયરસના કારણે કહેર મચ્યો છે. સ્વાસ્થ્ય મંત્રાલય મુજબ, છેલ્લા 24 કલાકમાં દેશમાં 51 લોકોના મોત થયા છે. આ ખતરનાક વાયરસથી મરનારા મૃતકોની આ અત્યાર સુધીની સૌથી મોટી સંખ્યા છે. જે બાદ દેશમાં કુલ મૃતકોની સંખ્યા 324 થઈ ગઈ છે. એવામાં લોકો સતત મદદ માટે સામે આવી રહ્યા છે. બોલિવૂડના સુપરસ્ટાર શાહરુખ ખાને ફરી એકવાર મદદ માટે હાથ લંબાવ્યો છે. કિંગખાને મહારાષ્ટ્ર સરકારને 25 હજાર પર્સનલ પ્રોટેક્ટિવ યુનિટ (PPE) કિટ દાન કરી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

મહારાષ્ટ્રના સ્વાસ્થ્ય મંત્રી રાજેશ ટોપેએ આ માટે શાહરુખ ખાનનો આભાર વ્યક્ત કર્યો છે. તેમણે ટ્વીટ કરતા લખ્યું કે, તેમનો આ પ્રયાસ કોવિડ-19 સામે અમારી લડાઈમાં સહયોગ કરશે અને તેનાથી ચિકિત્સકોની સુરક્ષા કરવામાં અમને ખૂબ સરળતા થશે.

કિંગ ખાન કોરોના વાયરસની લડાઈમાં સતત સરકારને મદદ કરી રહ્યો છે. આ પહેલા તેણે અને તેની પત્ની ગૌરી ખાને પોતાની 4 માળની પર્સનલ ઓફિસને ક્વોરન્ટાઈન માટે આપવાનો નિર્ણય કર્યો હતો. આ ઉપરાંત શાહરુખ ખાને હાલમાં જ PM કેર્સ ફન્ડ અને મહારાષ્ટ્ર મુખ્યમંત્રી રાહત કોષમાં આર્થિક મદદ કરી હતી.

થોડા દિવસો પહેલા જ શાહરુખે ઈન્સ્ટાગ્રામ પર જાણકારી શેર કરતા જણાવ્યું હતું કે તે પોતાની IPL ક્રિકેટ ટીમ તરફથી પ્રધાનમંત્રી કેર ફન્ડમાં પૈસા જમા કરશે અને મહારાષ્ટ્રના મુખ્યમત્રી રિલીફ ફન્ડમાં પણ પૈસા દાન કરશે. એવો અંદાજ લગાવાઈ રહ્યો છે કે શાહરુખ ખાન તરફથી અપાયેલી કુલ રકમનું અનુમાન લગાવવામાં આવે તો તે ફિલ્મ જગતથી દાન કરનારા બધા લોકોથી આગળ નીકળી જશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/3cfzDQ3