અસિક બેનર્જી/નિકુંજ સોની, અમદાવાદ: શિવરંજની ચાર રસ્તા પર આવેલા હરિત ઝવેરી જ્વેલર્સના માલિકની પોલીસે લોકડાઉનનો ભંગ કરવા બદલ ધરપકડ કરી છે. હરિત ઝવેરી પર લોકડાઉનમાં પોતાની પત્નીનું સિમંત યોજવાની અને તેમાં લોકોને ભેગા કરવાનો આરોપ છે. આ પ્રસંગ તેમના આંબાવાડી વિસ્તારમાં આવેલી સુમધુર સોસાયટી સ્થિત ઘરે ઉજવવામાં આવ્યો હતો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
સૂત્રોએ અમારા સાથી અખબાર અમદાવાદ મિરરને જણાવ્યું હતું કે, હરિત ઝવેરીની પત્નીના સિમંતમાં 100થી વધુ લોકો ભેગા થયા હતા. જોકે, આ અંગે કોઈએ પોલીસને જાણ કરી દેતા સેટેલાઈટ પોલીસનો સ્ટાફ ઝવેરીના ઘરે પહોંચ્યો હતો. રવિવારે યોજાયેલા આ ફંક્શન વખતે ઝવેરીના ઘરે બાળકો સહિત અનેક લોકો હાજર હતા. પોલીસે લોકડાઉન દરમિયાન ઘરમાં આટલો મોટો પ્રસંગ રાખવાની પરવાની લેવાઈ છે કે નહીં તેવો સવાલ પૂછતા હરિત ઝવેરીએ ના પાડી હતી. આખરે, પોલીસે તેમની લોકડાઉનનો ભંગ કરવાના આરોપમાં ધરપકડ કરી હતી.
પોલીસે મિરરને જણાવ્યું હતું કે, હરિત ઝવેરીએ પોતાના પાડોશીઓને પણ આ પ્રસંગમાં બોલાવ્યા હતા. જોકે, તેમણે કોઈ પરવાનગી ના લીધી હોવાથી તેમની સામે કેસ કરવામાં આવ્યો હતો. હરિત ઝવેરીની ધરપકડ બાદ તેમને જામીન પર છોડી દેવાયા હતા. તેમના પિતા રાજેન્દ્ર ઝવેરીએ મિરરને જણાવ્યું હતું કે, આ પ્રસંગ સાદાઈથી યોજવામાં આવ્યો હતો, અને 10-12 લોકો જ તેમાં હાજર હતા. પ્રસંગમાં મહિલાઓની હાજરી જરુરી હોવાથી નજીકમાંથી સગા-સંબંધી આવ્યા હતા.
તેમણે એવો પણ દાવો કર્યો હતો કે, પ્રસંગમાં ગણ્યાગાંઠ્યા મહેમાનોની જ હાજરી હતી. પરંતુ કોઈએ તેની સામે સખ્ત વાંધો લેતા પોલીસે FIR નોંધી હતી.
from Page Array – I Am Gujarat https://ift.tt/3aE1VT7
No comments:
Post a Comment