સુરત: અમદાવાદ બાદ સુરતમાં કોરોનાના સૌથી વધુ કેસો નોંધાયા છે. એવામાં કોરોના સામેની જંગમાં લડત આપી રહેલા ફ્રન્ટ લાઈન વોરિયર્સ જીવના જોખમે લોકોની મદદ કરી રહ્યાં છે. તેમજ હાથ જોડીને ઘરમાં રહેવા અને લોકડાઉનનું પાલન કરવા માટે અપીલ કરી રહ્યાં છે. ત્યારે સુરતમાં એવા જ એક કોરોના વોરિયર્સ પોલીસના પરિવારને ‘તમે કોરોના ફેલાવવાનું કામ કરો છો’ કહી મકાન ખાલી કરીને જતા રહેવાની સ્થાનિકોએ ધમકી આપી છે.
પ્રાપ્ત વિગતો મુજબ શહેરના પૂણા વિસ્તારમાં રહેતા એક પોલીસકર્મી અને તેની પત્નીને તેમના ઘરની પાસે રહેતા લોકોએ તમે કોરોના ફેલાવો છો કહીને સોસાયટીમાંથી મકાન ખાલી કરીને જતા રહેવા માટેની ધમકી આપી છે. પોલીસે જણાવ્યા મુજબ પોલીસ કોન્સ્ટેબલ ટ્રાફિક બ્રાન્ચમાં ફરજ બજાવે છે. કોરોનાના કારણે તેમની સોસાયટીમાં કોઈ અવરજવર નથી. પણ નોકરીના હોવાથી કોન્સ્ટેબલે ઘરેથી બહાર આવ-જાવ કરવું પડે છે. જેથી તેના પાડોશમાં રહેતા પતિ-પત્ની અને અન્ય લોકો છેલ્લા કેટલાય દિવસોથી કોન્સ્ટેબલની પત્નીને જોઈને આનો વર પોલીસવાળો છે. તે બહાર જાય છે તેને કોરોના થવાનો છે.
એક વ્યક્તિએ કોન્સ્ટેબલને ગાળો ભાંડીને કહ્યું કે, જો અહીં રહેવું હોય તો ઘરની અંદર જ રહેવું પડશે. ત્યારબાદ તેણે કોન્સ્ટેબલ સાથે ઝપાઝપી પણ કરી હતી. જેથી તેની પત્ની વચ્ચે પડતા લાફો માર્યો હતો. આ દરમિયાન સોસાયટીના અન્ય લોકોએ આવીને પોલીસ કોન્સ્ટેબલને ઘર ખાલી કરીને જતા રહેવા માટેની ધમકી આપી હતી. જેથી પોલીસ કોન્સ્ટેબલે તેમની સામે ધમકી, છેડતી અને હુમલાની તેમજ ડિઝાસ્ટર એક્ટ હેઠળ પૂણા પોલીસ સ્ટેશનમાં ફરિયાદ નોધાવી છે.
વડોદરાઃ પત્નીએ ઓનલાઈન લુડો ગેમમાં હરાવ્યો તો પતિએ ઢોર માર મારી કમર ભાંગી નાખી
from Page Array – I Am Gujarat https://ift.tt/2W1KtCZ
No comments:
Post a Comment