વોશ્ગિંટનઃ કોરોના વાયરસથી દુનિયાભરમાં થયેલા લાખો લોકોના મોતની વચ્ચે અમેરિકાના રાષ્ટ્રપ્રમુખ ડોનાલ્ડ ટ્રમ્પે ચીન પર ફરી એકવાર પ્રહાર કર્યા છે. ટ્રમ્પે કહ્યું કે, ચીન સામે અમેરિકા ગંભીર તપાસ કરી રહ્યું છે અને જો બીજિંગ દોષી સાબિત થયું તો તેના પર અરબો ડોલરનો ફંડ ફટકારવામાં આવશે. તેમણે કહ્યું કે, ચીન કોરોના વાયરસને પૂરી દુનિયામાં ફેલાતા અટકાવી શક્યું હોત.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
અમેરિકી રાષ્ટ્રપ્રમુખ ટ્રમ્પે સંવાદદાતાઓ સાથે વાતચીત કરતાં કહ્યું કે, તેમની સરકાર એ વાતની ગંભીર તપાસ કરી રહ્યું છે, કે ગયા વર્ષે ચીનના વુહાન શહેરમાં કોરોનાના પ્રકોપની શરૂઆત બાદ શું થયું હતું. તેમણે કહ્યું કે, ‘હું ચીનથી ખુશ નથી. મારૂં માનવું છે કે કોરોના વાયરસના સ્ત્રોતને રોકી શકાયો હોત. તેને ઝડપથી ફેલાતો રોકી શકાયો હોત અને આ દુનિયામાં ફેલાયો જ ન હોત’.
કોરોનાથી દુનિયાને નુકસાન, વળતર ચૂકવવું પડશે
જર્મનીમાં ચીન પાસેથી અરબો ડોલર દંડ વસૂલવા સંબધિત સવાલ પૂછતાં ટ્રમ્પે કહ્યું કે, ‘અમારી પાસે તેની સરળ રીત છે. જર્મની બાબતોને જોઈ રહ્યું છે અને અમે પણ. જર્મની જેટલા ડોલર માગવા અંગે વિચાર કરી રહ્યું છે, તેનાથી વધારે વળતર અમે માગીશું. અમે હજુ અંતિમ રકમ પર નિર્ણય કર્યો નથી. જો કે, તે વધારે જ હશે’.
ટ્રમ્પે કહ્યું કેસ કોરોના વાયરસથી દુનિયાને નુકસાન થયું છે. આ અમેરિકાની સાથે-સાથે પૂરી દુનિયાનું નુકસાન છે. ટ્રમ્પનું નિવેદન તેવા સમયે સામે આવ્યું છે જ્યારે દુનિયામાં કોરોના વાયરસના કારણે બે લાખ કરતાં વધારે લોકો મૃત્યુ પામ્યા છે. આ આંકડો 7 લાખને પાર પહોંચી શકે છે. તો 30 લાખથી વધુ લોકો સંક્રમિત છે. દુનિયામાં સૌથી વધારે પ્રભાવિત દેશ અમેરિકામાં મૃતકોની સંખ્યા 56 હજારને પાર પહોંચી છે જ્યારે 9 લાખ લોકો સંક્રમિત છે.
કોરોનાની આંતરરાષ્ટ્રીય તપાસની માગ પર લાલચોળ થયું ચીન
કોરોના વાયરસનો સોર્સ શું છે? આ સવાલના ઘણા જવાબ છે, પરંતુ કોઈ જવાબની પુષ્ટિ નથી. તેવામાં ચીન પર આંતરરાષ્ટ્રીય તપાસનું દબાણ વધી રહ્યું છે. ચીન આવી માગથી વિફર્યું છે અને તેણે સોમવારે કહ્યું હતું કે આ તપાસનો કોઈ કાયદાકીય અધિકાર નથી અને ભૂતકાળમાં આવી મહામારીની તપાસનો કોઈ પુરાવો મળ્યો નથી.
ઔરાંગાબાદમાં પોલીસ પર પથ્થરમારો
from Page Array – I Am Gujarat https://ift.tt/3eYSi52
No comments:
Post a Comment