વડોદરામાં ભાજપના કોર્પોરેટરે વોર્ડ ઓફિસમાં જ પાયજામો ઉતારી જાહેરમાં કર્યો તમાશો

વડોદરાઃ VMCના માંજલપુર વિસ્તારમાં ભાજપના કોર્પોરેટરે સોમવારે બપોરે ભરબજાર સામે પોતાનો લેંઘો ઉતારી દેતા વોર્ડ ઓફિસમાં હાઈવોલ્ટેજ ડ્રામા સર્જાયો હતો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

જો કે, બાદમાં તેમણે દાવો કર્યો હતો કે, તેઓ વોર્ડરોબ માલફંક્શનનો ભોગ બન્યા હતા અને તેમણે જાતે કરીને આમ કર્યું નહોતું.

ગુજરાતમાં અમદાવાદ બાદ સૌથી વધારે કોરોના વાયરસના કેસ વડોદરામાં નોંધાયા છે. જેને ફેલાતો અટકાવવા માટે સેનિટેશન ડ્રાઈવ હાથ ધરવામાં આવી છે. VMC ટેન્કર અને ફાયર ટેન્ડર્સનો ઉપયોગ કરીને જીવાણુનાશક દવાઓનો છંટકાવ કરી રહ્યું છે. આ બાબતને લઈને પટેલ ધૂંવાપૂંઆ થઈ ગયા હતા અને વોર્ડ ઓફિસમાં જઈને બૂમાબૂમ કરી મૂકી હતી. તેમણે કહ્યું હતું કે ભલાણો કરવા છતાં કેટલાક વિસ્તારોમાં ડ્રાઈવ હાથ ધરવામાં આવી નથી.

પટેલે તેવો પણ દાવો કર્યો હતો કે, કોંગ્રેસ પાર્ટીના કાઉન્સિલર ચિરાગ ઝવેરીએ માત્ર પોતાના જ વિસ્તારમાં કામ કરાવ્યું હતું. જ્યારે તે જ વોર્ડના ભાજપના અન્ય ત્રણ કોર્પોરેટરોને મહાનગરપાલિકા દ્વારા અવગણવામાં આવ્યા હતા.

તો આ વિશે ઝવેરીએ કહ્યું, જીવાણુનાશક દવાઓના છંટકાવ માટે તેમણે પોતાના વાહનોનો ઉપયોગ કર્યો હતો અને આ માટે તેમણે મંજૂરી પણ લીધી હતી.

ઝવેરીના જણાવ્યા પ્રમાણે, જ્યારે ઝઘડો ચાલી રહ્યો હતો ત્યારે કોઈ પટેલનો વીડિયો ઉતારી રહ્યું હતું. જેથી તેમણે કથિત રીતે પોતાનો લેંઘો ખોલી નાખ્યો હતો અને તે વ્યક્તિને વીડિયો ઉતારવાનું કહ્યું હતું.

બાદમાં પટેલે તેવો દાવો કર્યો હતો કે, જ્યારે તેઓ કારમાંથી ઉતરી રહ્યા હતા ત્યારે તેમના લેંઘાનું નાડું દરવાજામાં ફસાઈ ગયું હતું અને તેના કારણે લેંઘો નીચે સરી પડ્યો હતો. ‘કોઈએ સ્થિતિને લાભ ઉઠાવીને ફોટો પાડી લીધો હતો. હું પણ મારી કારમાંથી નવો લેંઘો આવે તેની રાહ જોઈ રહ્યો હતો’, તેમ તેમણે કહ્યું.

જો કે, VMC કમિશનર નલિન ઉપાધ્યાયે કહ્યું કે, આ મુદ્દા પર ધ્યાન દોરવામાં આવ્યું છે. ‘કેટલીક ગેરસમજ ઉભી થઈ હતી, જેનું નિરાકરણ લાવવામાં આવ્યું છે’, તેમ તેમણે કહ્યું.

‘તોડ દેંગે શરીર કા કોના કોના…’ પોલીસની ‘સિંઘમ’ સ્ટાઈલમાં લોકોને અપીલ

from Page Array – I Am Gujarat https://ift.tt/2Vo9aJv