પી ક્રિશ્ના કુમાર, મુંબઈ: દેશમાં કોરોનાના સૌથી વધુ કેસ ધરાવતા શહેર મુંબઈમાં લોકડાઉન જૂન સુધી લંબાઈ શકે છે. મુંબઈ ઉપરાંત પુણેમાં પણ મહારાષ્ટ્ર સરકાર લોકડાઉન લંબાવવા વિચારી રહી છે. દેશમાં લોકડાઉન 3 મેના રોજ પૂરું થઈ રહ્યું છે, પરંતુ મુંબઈ અને પુણેમાં કોરોના હજુય બેકાબુ છે. જો આવા સમયે લોકડાઉન ખોલી દેવાય તો કોરોના વધુ વકરે તેવી શક્યતા છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
મહારાષ્ટ્ર સરકારના એક અધિકારીના જણાવ્યા અનુસાર, હાલની સ્થિતિમાં મુંબઈ તેમજ પુણેમાં લોકડાઉન ખોલવાનો કોઈ સવાલ જ નથી. ઉલ્ટાનું જે રીતે કેસો વધી રહ્યા છે, તેને જોતાં નિયંત્રણો હજુય કડક કરવાની જરુર છે. આ સંજોગોમાં લોકલ ટ્રેનો, બસો, દુકાનો અને કંપનીઓના કામકાજ પર જુન સુધી નિયંત્રણ રહી શકે છે.
મુંબઈ અને પુણે મહારાષ્ટ્રના આર્થિક ગતિવિધિના સૌથી મોટા કેન્દ્ર છે. એક તરફ મહારાષ્ટ્ર સરકાર પર આર્થિક ગતિવિધિઓને ફરી શરુ કરવાનું દબાણ છે, ત્યારે આ બંને શહેરોમાં હાલ લોકડાઉન ઉઠાવી શકાય તેવી સ્થિતિ નથી. તેવામાં સરકાર શું પગલાં લે છે તેના પર સૌની નજર છે.
શુક્રવાર સુધીમાં મુંબઈમાં કોરોના પોઝિટિવ કેસોની સંખ્યા વધીને 4,589 થઈ ગઈ હતી, અને શહેરમાં રોજના 200 જેટલા નવા કેસ નોંધાઈ રહ્યા છે. પુણે મેટ્રોપોલિટન રિજનમાં પણ કોરોનાના કેસ સતત વધી રહ્યા છે. ગુરુવારે અહીં 104 નવા પેશન્ટ ઉમેરાયા હતા. પુણેમાં કેટલાક વિસ્તારોમાં લોકડાઉન હાલમાં જ વધુ સખ્ત બનાવાયું છે, અને લોકોને જરુરી વસ્તુ ખરીદવા રોજના બે કલાક જ છૂટ અપાઈ રહી છે.
મુંબઈમાં હાલ 983 કન્ટેઈન્મેન્ટ ઝોન જાહેર કરાયા છે. જેમાંના અડધોઅડધ ઝૂંપડપટ્ટી વિસ્તારના છે. મહારાષ્ટ્રના અન્ય ભાગોમાં પણ નવા કેસ જોવા મળી રહ્યા છે. નાશિકના માલેગાંવમાં 100થી વધુ કેસ થઈ ચૂક્યા છે, અને નાગપુરમાં પણ અત્યારસુધીનો આંકડો 100ને પાર થઈ ચૂક્યો છે.
from Page Array – I Am Gujarat https://ift.tt/3bEbUZV
No comments:
Post a Comment