કોરોના વાયરસને લઈને ચીન અને અમેરિકા વચ્ચે શાબ્દિક યુદ્ધ યથાવત્ છે. અમેરિકાના રાષ્ટ્રપ્રમુખ ડોનાલ્ડ ટ્રમ્પના નિવેદન બાદ હવે ચીને પલટવાર કર્યો છે. ચીનના વિદેશ મંત્રાલયના પ્રવક્તા ગેંગ શુઆંગે પત્રકારો સાથે વાતચીત કરતાં કહ્યું કે, કોરોના પર પોતાની નિષ્ફળતા છુપાવવા માટે અમેરિકી પ્રમુખ ટ્રમ્પ ખોટું બોલી રહ્યા છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
ગેંગ શુઆંગે કહ્યું કે, ‘હું માત્ર એટલું જ કહેવા માગુ છું કે ટ્રમ્પ તથ્યોને અવગણી રહ્યા છે અને વારંવાર ખોટું બોલી રહ્યા છે. તેઓ પોતાને ત્યાં કોરોના પર કંટ્રોલ મેળવવામાં નિષ્ફળ રહ્યા અને પોતાની નિષ્ફળતાઓ છુપાવવા માટે લોકોનું ધ્યાન ભટકાવી રહ્યા છે. પરંતુ હકીકત શબ્દોની સરખામણીમાં વધારે મોટેથી બોલે છે. અમેરિકાના આ પ્રયાસો ક્યારેય સફળ નહીં થાય’.
તેમણે વધુમાં કહ્યું કે, ‘અમેરિકા દોષનો ટોપલો ચીન પર ઢોળવા માગે છે. પરંતુ અમે તે સહન કરીશું નહી. ના તો આવા આરોપો મહામારીને રોકવામાં અમેરિકાની મદદ કરશે. અમે માત્ર અમેરિકાનો ઈરાદો શું છે તેને સામે લાવીશું’
ડોનાલ્ડ ટ્રમ્પે શું કહ્યું હતું?
ચીનનું આ નિવેદન અમેરિકાના રાષ્ટ્રપ્રમુખ ડોનાલ્ડ ટ્રમ્પની ટિપ્પણી બાદ આવ્યું છે. ટ્રમ્પે સોમવારે કહ્યું હતું કે, ‘કોરોના વાયરસને લઈને અમે ચીન સામે ગંભીર તપાસ કરી રહ્યા છે. તમે જાણો છો તે રીતે અમે ચીનથી ખુશ નથી. અમે પૂરી સ્થિતિથી ખુશ નથી. કારણ કે અમારું માનવું છે કે, કોરોનાનો ફેલાવો રોકી શકાયો હોત. પરંતુ ચીને તેમ કર્યું નહીં. પરંતુ જો ચીન તપાસ દરમિયાન દોષી સાબિત થયું તો તેની પાસે અરબો ડોલરનો દંડ વસૂલાશે’.
કેટલાક રિપોર્ટ્સમાં ચીની લેબમાં કોરોના વાયરસ ઉત્પન્ન કરાયો હોવાનું કહેવાઈ રહ્યું છે. શરૂઆતમાં ટ્રમ્પે ઘણીવાર કોરોના વાયરસને ચીની વાયરસ કહ્યો હતો. ચીનના વુહાનમાંથી ફેલાયેલા આ વાયરસે અમેરિકામાં સૌથી વધારે તબાહી મચાવી છે. અમેરિકામાં 10 લાખથી વધુ લોકો કોરોનાથી સંક્રમિત છે જ્યારે 56 હજારથી વધુના મોત થયા છે.
કેદારનાથઃ લૉકડાઉનમાં બરફ વચ્ચે 5 શ્રદ્ધાળુંઓ સાથે નીકળી પંચમુખી ડોલી યાત્રા
from Page Array – I Am Gujarat https://ift.tt/2SdSaoo
No comments:
Post a Comment