રાજ્યમાં અત્યારસુધીમાં સીઝનનો 11.5% વરસાદ વરસ્યો, આગામી 3 દિવસની પણ આગાહી

અમદાવાદઃ 15 જૂન સુધીમાં ગુજરાતમાં આ સીઝનનો 92.2 મીમી વરસાદ વરસાદ થયો છે, જે રાજ્યના 30 વર્ષના વાર્ષિક સરેરાશ વરસાદ 831મીમીના 11.5 ટકા જેટલો છે, તેમ રાજ્યની રીલિફ કમિશનરની ઓફિસે જણાવ્યું હતું. આ ડેટા વેધર વોચ ગ્રુપ મીટિંગ દરમિયાન આપવામાં આવ્યો હતો. અધિકારીઓએ ઉમેર્યું હતું કે, ત્રણ સિવાય રાજ્યના તમામ તાલુકામાં 1મીમીથી 232મીમી વરસાદ વરસ્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ભારતીય હવામાન વિભાગના જણાવ્યા પ્રમાણે, દક્ષિણ-પશ્ચિમ ચોમાસાએ 17 જૂને ઉત્તર ભાગમાં આવેલા જિલ્લાઓ અને કચ્છને બાકાત રાખીને અડધા ગુજરાતને આવરી લીધું હતું. IMDએ તેમ પણ કહ્યું કે, ગુજરાતના પાંચ સિવાય તમામ જિલ્લાઓમાં વાસ્તવિક શરૂઆત કરતાં વધારે વરસાદ નોંધાયો છે.

IMDએ બુધવારે જણાવ્યું હતું કે, ગુરુવાર, શુક્રવાર અને શનિવાર એમ ત્રણ દિવસ સુધી ગુજરાતના તમામ જિલ્લાઓમાં ગાજવીજ અને 40 કિમી પ્રતિકલાકની ઝડપે પવન ફૂંકાવાની સાથે વરસાદની આગાહી છે. સોમવારે વલસાડ, અમરેલી અને ગીર સોમનાથમાં ભારે વરસાદ પડવાની શક્યતા છે.

અમદાવાદની વાત કરીએ તો, કેટલાક વિસ્તારોમાં અને જિલ્લામાં ગાજવીજ સાથે સાંજે અથવા રાત્રે હળવા વરસાદની શક્યતા છે.

from Page Array – I Am Gujarat https://ift.tt/2N8lnhE