અમદાવાદમાં એક દાયકામાં સૌથી વધુ પ્રિ-મોન્સુન વરસાદ
અમદાવાદ: સૌરાષ્ટ્ર અને દક્ષિણ ગુજરાત સહિત રાજ્યભરમાં વરસાદનો માહોલ જોવા મળી રહ્યો છે. રાજ્ય અને અમદાવાદ શહેરમાં અત્યાર સુધીમાં પાંચ વર્ષમાં ચોમાસા પૂર્વે સૌથી વધુ વરસાદ પડ્યો છે. અમદાવાદ શહેરમાં એક દાયકામાં ચોમાસા પૂર્વેનો સૌથી વધુ વરસાદ છે. 25 જૂન 2013માં સુધી શહેરમાં 153 મીમી વરસાદ થયો હતો. આ વર્ષે આ આંકડો 128 મીમી છે. અધિકારીઓએ જણાવ્યું હતું કે 2019ની તુલનામાં આ વર્ષે વરસાદ બમણો કરતા વધારે છે.
વાવાઝોડાની અસરથી નોંધપાત્ર વરસાદ થયો
ભારત હવામાન વિભાગ (આઇએમડી)ના રિજનલ ડિરેક્ટર જયંત સરકારે જણાવ્યું હતું કે તેમણે તપાસ કરવી પડશે કે તાજેતરના સમયમાં મોનસુન પૂર્વેનો સૌથી વધુ વરસાદ છે કે કેમ. તેમણે જણાવ્યું કે, ‘ખરેખર આ વર્ષે ગુજરાતમાં ચોમાસાના વાસ્તવિક આગમન પહેલા નોંધપાત્ર વરસાદ થયો છે. 2019ની જેમ આ વર્ષે પણ મોનસુન પૂર્વની પ્રવૃત્તિ ચક્રવાતને આધારે થઈ હતી. ગયા વર્ષે વાયુ જ્યારે આ વર્ષે નિસર્ગ વાવાઝોડું હતું.
રાજ્યના 250 તાલુકામાં વરસાદ પડ્યો
આઇએમડી અધિકારીઓએ જણાવ્યું હતું કે, 2019માં ચોમાસાની શરૂઆત પછી રાજ્યમાં ચોમાસામાં પર બ્રેક લાગ્યો હતો, પરંતુ આ વર્ષે ચોમાસું ગુજરાત સહિત મધ્ય ભારતમાં સારૂ રહેવાની સંભાવના છે. ગુજરાત રાજ્ય ડિઝાસ્ટર મેનેજમેન્ટ ઓથોરિટીએ જણાવ્યું હતું કે આ વર્ષે પણ કચ્છ વિસ્તારમાં સારો વરસાદ થયો છે. 2019માં આ વિસ્તારમાં ફક્ત 17 મીમી વરસાદ થયો હતો પરંતુ આ વર્ષે તે અત્યાર સુધીમાં 103 મીમી વરસાદ થયો છે. અધિકારીઓએ જણાવ્યું હતું કે 251 તાલુકામાંથી માત્ર એક જ તાલુકામાં વરસાદ પડ્યો નથી. જ્યારે આઠ તાલુકામાં 250 મીમીથી વધુ વરસાદ પડ્યો છે.
ગુજરાતમાં અત્યાર સુધી 109 મીમી વરસાદ
ચોમાસાની પ્રવૃત્તિઓ માટે રાજ્યને સૌરાષ્ટ્ર-કચ્છ અને ગુજરાત ક્ષેત્ર એમ બે પ્રદેશોમાં વહેંચવામાં આવ્યું છે. ગુજરાત પ્રદેશમાં ઉત્તર, દક્ષિણ અને મધ્ય ગુજરાત શામેલ છે. આઇએમડી અનુસાર સૌરાષ્ટ્ર-કચ્છ વિસ્તારમાં આજદિન સુધીમાં 62.9 મીમી વરસાદ થવો જોઇએ, પરંતુ આ વિસ્તારમાં પહેલાથી જ 119.1 મીમી વરસાદ નોંધાઈ ચૂક્યો છે. એ જ રીતે, ગુજરાતમાં 88.9 મીમીની સામે 97.7 મીમી વરસાદ થયો છે. રાજ્યમાં અત્યાર સુધીમાં 74.2 મીમી વરસાદ થવાની ધારણા હતી પરંતુ તેમાં 109.1 મીમી વરસાદ થયો છે, જે સામાન્ય કરતા 47% વધારે છે.
from Page Array – I Am Gujarat https://ift.tt/31gPbAP
No comments:
Post a Comment