અમદાવાદ: એક અઠવાડિયા અગાઉ જાહેર કરાયેલા 37 માઇક્રો-કન્ટેઈનમેન્ટ ઝોન ઉપરાંત, અમદાવાદ પશ્ચિમ ભાગોમાં વધુ સાત માઇક્રોકન્ટિમેન્ટ ઝોન જાહેર કરવામાં આવ્યા છે. નવા જાહેર કરાયેલા 7 કન્ટેઈનમેન્ટ ઝોનમાં 1252 ઘરોનો સમાવેશ થાય છે. જેમાં બોદકદેવના સુભાષ ચોક પાસે મારુતિ કોમ્પ્લેક્સ, સરખેજમાં જુનો રોહિતવાસ, વાસણામાં લવણ્યા સોસાયટી પાસે કૃપા ફ્લેટ, સાબરમતીમાં ઠાકોરવાસ, ચાંદખેડામાં તેજેન્દ્રનગર સોસાયટી, 132 રિંગ રોડ પર કર્ણાવતી ફ્લેટ અને ચાંદલોડિયામાં ગજરાજ-2 સોસાયટી સામેલ છે.
આ હાઉસિંગ ક્લસ્ટરોની આસપાસના વિસ્તારોમાં ડોર ટુ ડોર હેલ્થ સર્વે કરવામાં આવ્યો હતો. ત્યારબાદ સોસાયટીઓને માઇક્રો કન્ટેઈનમેન્ટ ઝોન જાહેર કરવામાં આવી હતી. એએમસીના એક વરિષ્ઠ આરોગ્ય અધિકારીએ જણાવ્યું હતું કે, હાઉસિંગ ક્લસ્ટરો કે જ્યાં પાંચથી વધુ કોવિડ -19 કેસ નોંધાયા છે, તેઓને માઇક્રો કન્ટેઈનમેન્ટ ઝોન તરીકે માટે ધ્યાનમાં લેવામાં આવ્યા છે. તેમણે ઉમેર્યું હતું કે આ વિસ્તારોમાં કેસ ઘટવાની સંખ્યા બાદ સૂચિમાં સુધારો કરવામાં આવશે.
છેલ્લા 24 કલાકમાં અમદાવાદમાં કોરોના વાયરસના નવા 211 કેસ નોંધાયા છે. આ સાથે જ અમદાવાદમાં અત્યાર સુધીમાં કોરોના વાયરસના કુલ કેસનો આંકડો 20,480 પર પહોંચ્યો છે. અમદાવાદમાં જ્યાં એકબાજુ કોરોના વાયરસના નવા 211 કેસ નોંધાયા છે તો બીજી બાજુ છેલ્લા 24 કલાકમાં કોરોનાના કુલ 181 દર્દીઓ સાજા થઈને ઘરે પરત ફર્યા છે.
અમદાવાદમાં છેલ્લા 24 કલાકમાં કોરોના વાયરસના કુલ 13 દર્દીઓના મોત થયા છે. આ સાથે જ અમદાવાદમાં કોરોના વાયરસના કારણે અત્યાર સુધીનો કુલ મૃત્યુઆંક 1423 થયો છે. જ્યારે સુરતમાં છેલ્લા 24 કલાકમાં કોરોના વાયરસના નવા 182 કેસ નોંધાયા છે. જ્યારે કુલ 156 દર્દીઓ કોરોના વાયરસને હરાવીને ઘરે પરત ફર્યા છે. જ્યારે સુરતમાં છેલ્લા 24 કલાકમાં કોરોના વાયરસના કારણે વધુ 3 દર્દીઓના મોત થયા છે.
from Page Array – I Am Gujarat https://ift.tt/2VqrKl5
No comments:
Post a Comment