અમદાવાદઃ છેલ્લા નવ વર્ષોથી પાંચ હત્યાના ગુનામાં ભાગેડુ જાહેર કરાયેલા સીરિયલ કિલર અસ્લમ ઉર્ફે અમન અબ્દુલ કરિમ શેખને ગુરુવારે ગુજરાત એટીએસની ટીમે પકડી લીધો. તે પોતાની ઓળખ છુપાવીને લાલા કમલેશ પટેલના નામે રહેતો હતો. તેણે એક નર્સ સાથે લગ્ન કર્યા હતા અને તેને ત્રણ બાળકો પણ છે. અસ્લમ પોતાની પત્ની કામ કરે છે તે જ પ્રાઈવેટ હોસ્પિટલમાં વોર્ડ બોય તરીકે નોકરી કરતો હતો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
ડીએસપી કે.કે પટેલે કહ્યું, શેખ એક સારા પરિવારમાંથી આવે છે જે બાલાસિનોરમાં દેવચોકડી નજીક પેટ્રોલ પંપ અને ટ્રેક્ટરની એજન્સી ધરાવે છે. તે ખરાબ સંગતમાં પડી ગયો અને એક ગેંગમાં જોડાઈ ગયો. આ ગેંગ ટ્રેક્ટરના ડ્રાઈવરને મારી નાખ્યા બાદ ટ્રેક્ટર અને ટ્રોલી અલગ જગ્યાઓ પર વેચી દેતા હતા.
શેખે 5 ગંભીર ગુનાઓ આચર્યા છે. જેમાં 2008માં તેણે ટ્રેક્ટરના ડ્રાઈવર અને હેલ્પરના ડબલ મર્ડર કર્યા હતા. ડીએસપી પટેલ કહે છે, તેણે ટ્રેક્ટરના ડ્રાઈવર અને ક્લિનર બંનેને મારીને હાથ-પગ બાંધીને નદીમાં ફેંકી દીધા. બાદમાં ટ્રેક્ટરને વેચી દીધું.
ગુનામાં સફળતા મળ્યા બાદ આ તમામ આરોપીઓની એક ગેંગ બની ગઈ અને ખાસ પ્રકારની મોડસ ઓપરન્ડીથી હત્યા અને લૂંટ કરતી હતી. ડીએસપી પટેલ કહે છે, બીજા કેસમાં તેમણે ઘાસથી ભરેલું ટ્રેક્ટર લઈને જતા ડ્રાવરને હાથ અને પગ બાંધી દહેગામ નજીકની કેનાલમાં ફેંકી દીધો. આ બાદ તેનું ટ્રેક્ટર વેચી દીધું.
તેઓ વધુમાં કહે છે, એક વખતે આરોપીઓની ગેંગે શામળાજી હાઈવે પર મોડાસા નજીક પાંચ ટ્રેક્ટર ભરેલા ટ્રેલર પરને ટાર્ગેટ બનાવ્યું. તેમણે ટ્રેલરના ડ્રાઈવરનું જીપમાં અપહરણ કર્યું અને હાલોલ-કલોલ કેનાલમાં ફેંકી દીધા બાદ ટ્રેક્ટર અને ટ્રેઈલરને વેચી દીધા. કુલ મળીને શેખ 5 હત્યાના ગુનામાં, 10 ટ્રેક્ટર, 12 ટ્રોલી અને 1 બાઈક ચોરી કરવામાં ગુનેગાર છે.
from Page Array – I Am Gujarat https://ift.tt/2YDm4Gs
No comments:
Post a Comment