‘તારક મહેતા…’ના સેટ પર બધા સાથે કેવું વર્તન કરે છે જેઠાલાલ? નટુકાકાએ જણાવ્યું

લાંબા સમયથી ચાલી રહ્યો છે શો

‘તારક મહેતા કા ઉલ્ટા ચશ્મા’ ટેલિવિઝન પર લાંબા સમયથી ચાલી રહેલા શોમાંથી એક છે. આટલા સમયથી સાથે કામ કરી રહ્યા હોવાથી શોની ટીમ એકબીજા સાથે સરસ રીતે ભળી ગઈ છે. આટલું જ નહીં તેઓ સેટ પર પણ જાણે પરિવારના સભ્યો હોય તેમ રહે છે. શોમાં નટુ કાકાનો રોલ પ્લે કરનાર એક્ટર ઘનશ્યામ નાયકનું દિલીપ જોશી સાથેનું બોન્ડિંગ ખૂબ જ સારું છે. અમારા સહયોગી ETimes TVને આપેલા થ્રો બેક ઈન્ટરવ્યૂમાં ઘનશ્યામ નાયકે દિલીપ જોશીના વખાણ કર્યા હતા અને જણાવ્યું હતું કે, તેઓ શોમાં લીડ રોલ કરે છે, છતાં તેમનામાં એટિટ્યૂડ નથી.

નટુકાકાએ જેઠાલાલ વિશે કરી વાત

‘તારક મહેતા કા ઉલ્ટા ચશ્મા એક એવો શો છે, જેને દરેક ઉંમરની વ્યક્તિ જુએ છે. આ એવો શો છે જેમાં શુદ્ધ કોમેડી દર્શાવવામાં આવે છે. અમે સોશિયલ મેસેજની સાથે દર્શકોને મનોરંજન પૂરું પાડીએ છીએ. અમે સેટ પર હોઈએ ત્યારે જાણે પરિવારના સભ્યો હોઈએ એવું લાગે છે. અમે હંમેશા સાથે હોઈએ છીએ. દિલીપ જોશીએ ક્યારેય નથી લાગવા દીધું કે તેઓ શોના હીરો છે. દરેક એક્ટર્સ અમેઝિંગ છે. અમે પરિવારની જેમ રહીએ છીએ અને મને લાગે છે કે આ એક ઉપલબ્ધિ છે’, તેમ ઘનશ્યામ નાયકે કહ્યું.

આત્મારામ ભિડેએ શું કહ્યું?

આ જ ઈન્ટરવ્યૂમાં મંદાર ચંદાવરકર ઉર્ફે મિ. આત્મારામ ભિડેએ કહ્યું હતું કે, શોની સ્ટાર કાસ્ટ સાથે સમય પસાર કરે છે આટલું જ નહીં ઘણી વખત તો એકબીજાના રૂમમાં જઈને પણ ગપ્પા ગોષ્ટી કરે છે.

‘અલગ-અલગ મુદ્દા પર કરીએ છીએ ચર્ચા’

‘અમે શરૂઆતથી આમ કરીએ છીએ અને હવે તો આદત પડી ગઈ છે. દિલીપ ભાઈ અને શૈલેષ ભાઈ એક મેકઅપ વાન શેર કરે છે જ્યારે હું શ્યામ અને અમિત ભાઈ બીજા મેકઅપ વાનમાં હોઈએ છીએ. છતાં વાનના બારણા ખુલ્લા રાખીએ છીએ. જેથી સાથે રહી શકીએ. સાથે રહીને મજા કરીએ છીએ અને અલગ-અલગ મુદ્દા પર ચર્ચા પણ કરીએ છીએ’, તેમ એક્ટરે કહ્યું.

‘શૈલેષ ભાઈ સલાહ-સૂચનો આપે છે’

શોમાં તેમના અને દિલીપ જોશી ઉર્ફે જેઠાલાલ વચ્ચે અવાર-નવાર ઝઘડો થતો જોવા મળે છે. ‘જ્યારે પણ જેઠાલાલ અને ભીડે વચ્ચે ઝઘડો થઈ રહ્યો હોય તેવો સીન શૂટ કરવાનો હોય ત્યારે શૈલેષ ભાઈ સલાહ-સૂચનો આપે છે. તે એક માત્ર એવી વ્યક્તિ છે જે આ સીન વધારે સારો લાગે તે માટે આઈડિયા આપે છે. મારું માનવું છે કે આ ત્યારે જ થઈ શકે જ્યારે રિયલ લાઈફમાં કોઈ વ્યક્તિ મસ્તીખોર હોય. શૈલેષ ભાઈ દેખાવમાં ભલે સીધા લાગતા હોય પરંતુ છે તે મસ્તીખોર’, તેમ તેમણે કહ્યું.

from Page Array – I Am Gujarat https://ift.tt/37BFjTk