અમદાવાદઃ બોપલ વિસ્તાર અમદાવાદ નજીક કોરોનાનું નવું હોટસ્પોટ બની રહ્યું છે. દસક્રોઈ તાલુકામાં નોંધાયેલા 153 કેસોમાંથી અંદાજે 45 ટકા જેટલા કેસ બોપલમાં સામે આવ્યા છે. બોપલ-ઘુમા નગરપાલિકા આ તાલુકામાં જ આવે છે. પાછલા અઠવાડિયાથી નગરપાલિકામાં કોરોનાના 27 નવા કેસો સામે આવી ચૂક્યા છે. 17મી માર્ચથી 10 મે સુધી અહીં માત્ર 39 કેસ નોંધાયા હતા. નગરપાલિકાની હદ અમદાવાદ મ્યુનિસિપલ કોર્પોરેશનને અડીને આવેલી છે.
બોપલ -ઘુમામાં વધી રહેલા નવા કેસનો સોર્સ શું છે તે વિશે અધિકારીઓ પણ સ્પષ્ટ નથી. નગરપાલિકામાં પાછલા અઠવાડિયે જ 25 ટકા કેસો સામે આવ્યા છે. બોપલના આરોહી ક્રેસ્ટમાં રહેતું કપલ વર્ક ફ્રોમ હોમ કરે છે અને પોતાના વિસ્તારમાંથી ક્યાંય બહાર ગયું નહોતું. આવી જ રીતે આરોહી ટ્વીન બંગ્લોમાં પોઝિટિવ આવેલી વ્યક્તિ પણ સોસાયટીથી બહાર નહોતી ગઈ.
અધિકારીએ જણાવ્યું કે, સમસ્યા વિસ્તારના શાકભાજી અને ફળ વિક્રેતાઓથી લાગે છે, જેમનું સ્વાસ્થ્ય મોનિટર કરાયું નથી. ધોળકા અને સાણંદના ગામડાઓમાંથી નાના ટેમ્પો ચાલક આવતા હોય છે. આ વિક્રેતાઓ પાસે હેલ્થ કાર્ડ નથી હોતું. ઉપરાંત વિસ્તારના ફેરિયાઓનું પણ હાલમાં હેલ્થ ચેકઅપ થયું નથી.
હાલમાં જ બોપલમાં એક વૃદ્ધ મહિલા અને તેની વહુ શાકભાજી વિક્રેતાના સંપર્કમાં આવ્યા બાદ કોરોના પોઝિટિવ મળ્યા. આ બાદ ઈસ્કોન પ્લેટિયમમાં એક મહિલા કોરોના સંક્રમિત મળ્યા. અધિકારીઓને પણ શંકા છે કે તેમને શંક્રમણ કોઈ શાકભાજી વિક્રેતા દ્વારા થયું હોઈ શકે છે. આવી જ રીતે આરોહી એલિઝિયમમાં પણ એક કોરોના પોઝિટિવ કપલ મળ્યું છે. જોકે તેમના સંક્રમણના સોર્સની હજુ સુધી કોઈ માહિતી નથી.
અમદાવાદના જિલ્લા વિકાસ અધિકારી, અરુણ મહેશ બાબુએ જણાવ્યું, પ્રતિબંધો હળવા બનતા લોકો બેદરકાર બની રહ્યા છે. તેમણે કહ્યું, લોકો ફેરિયાઓ અથવા પાડોશીઓને મળે ત્યારે સાવધાની રાખતા નથી. આપણે સ્પષ્ટ કહી શકીએ છીએ કે અમદાવાદ અને બોપલમાં સામે આવેલા આ કેસો લોકલ ટ્રાન્સમિશનથી થયા છે. કોમ્યુનિટી ટ્રાન્સમિશનનો સ્ટેજ હજુ સુધી શરૂ થયો નથી. જ્યારે બોપલ-ઘુમા નગરપાલિકાના પ્રેસિડેન્ટ જીગીશા શાહએ કહ્યું, વિસ્તારમાં કડક જાપ્તો ગોઠવી દેવામાં આવ્યો છે.
from Page Array – I Am Gujarat https://ift.tt/3fAIjSV
No comments:
Post a Comment