કોરોના: બહારથી આવ્યા પછી બૂટ-ચપ્પલ સાફ કરવા છે જરૂરી, આ ટિપ્સ અપનાવીને કરો જંતુમુક્ત

જૂતા ડિસઈન્ફેક્ટ કરો છો?

દેશમાં જ્યારથી કોરોના વાયરસનો ફેલાવો શરૂ થયો છે ત્યારથી લોકો ઘર અને આસપાસની વસ્તુઓને જંતુમુક્ત કરવાના આગ્રહી બન્યા છે. સાથે જ વાયરસથી બચવા માટે અગાઉની સરખામણીમાં વધુ વખત હાથ ધોવે છે. બહારથી શાકભાજી કે કરિયાણું કે બીજી કોઈ પણ વસ્તુ લાવો તો તરત જ તેને ડિસઈન્ફેક્ટ કરો છો પરંતુ તમે ક્યારેય વિચાર્યું છે કે જૂતાનું શું? રોજ પહેરીને જતાં પગરખાં કેવી રીતે સાફ કરી શકાય? તમારા પગરખાં ઈન્ફેક્ટેડ સપાટીના સંપર્કમાં આવવાની સંભાવના સૌથી વધારે છે, એવામાં જ્યારે પણ તક મળે ત્યારે તેની સફાઈ કરવી જોઈએ. હાથ ધોવા જેટલું જ અગત્યનું છે તમારા જૂતા સાફ કરવું. અહીં તમને કેટલીક ટિપ્સ આપીશું જે જૂતાં સાફ રાખવામાં મદદ કરશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

અલગ-અલગ ચપ્પલ રાખો

ઘરને વાયરસથી સુરક્ષિત રાખવા માટે સૌથી જરૂરી છે કે તમે ઘરમાં પહેરવાના અને બહાર પહેરીને જવાના જૂતા અલગ રાખો. જો તમારી પાસે બે અલગ-અલગ જૂતાની જોડી ના હોય તો જૂતા ઘરની બહાર કાઢવાનું રાખો. હેલ્થકેર ડિપાર્ટમેન્ટમાં કામ કરતાં લોકોએ ખાસ કરીને આ વાતનું પાલન કરવું.

જૂતા કાઢતી વખતે તેને સ્પર્શ ના કરો

બહારથી ઘરે આવો ત્યારે જૂતાં કાઢતી વખતે તેને તમારા હાથથી સ્પર્શ ના કરો. બીજા પગની મદદથી જૂતા કાઢી શકો છો અથવા હાથમાં ગ્લવ્ઝ પહેરીને કાઢો. જ્યારે પણ તમે પગરખાં પહેર્યા હોય અથવા ઘરની બહાર જઈને આવ્યા હોય તો તમારા પગ બરાબર સાફ કરો. આ મહામારીમાં તમારા પગનું પણ ખાસ ધ્યાન રાખો.

બૂટના સોલ પર આપો ધ્યાન

રોડ-રસ્તા પરની ગંદકીના સીધા સંપર્કમાં તમારા પગરખાંની નીચેની સપાટી આવે છે. એટલે જ્યારે પણ બહારથી ઘરે આવો ત્યારે પગલૂછણિયા પર જૂતા લૂછો. આ સિવાય સોલમાં ગંદકી ભેગી ના થાય માટે નિયમિતપણે તેની સફાઈ કરો. ઘરમાં પ્રવેશતાની સાથે જ સીધા બાથરૂમમાં જતા રહો અને પગની સફાઈ કરો.

બૂટને સાફ કરવા કપડાનો ઉપયોગ કરો

તમારા ઘરની પગરખાં ઘોડીમાં એક જૂનું કપડું રાખો અથવા તો એક નકામો ટુવાલ રાખો જેથી તમે જૂતા-ચપ્પલ સાફ કરી શકો. આ સિવાય બજારમાં ડિસઈન્ફેક્ટિંગ વાઈપ્સ મળે છે તેનો પણ તમે જૂતા સાફ કરવા ઉપયોગ કરી શકો છો. જો કે, જૂતાં સાફ કરતી વખતે ગ્લવ્ઝ પહેરવાનું ચૂકશો નહીં અને સફાઈ કર્યા પછી હાથ ધોવાનું ના ભૂલતા.

જૂતાને સૂકાવા દો

તમારા જૂતાં એની જાતે જ સૂકાય તે સુનિશ્ચિત કરો, જેથી તમે જે ડિસઈન્ફેક્ટન્ટ સ્પ્રે છાંટ્યું હોય તેને પોતાનું કામ કરવાનો સમય મળે. જૂતા પર ડિસઈન્ફેક્ટન્ટ સ્પ્રે છાંટ્યા પછી થોડીવાર સૂકાવા દો અને પછી એક કપડું ફેરવી લો જેથી ધબ્બા ના પડી જાય.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat https://ift.tt/3hXQ87f