લુચ્ચા ચીનની દરેક ચાલ પર ભારતીય એરફોર્સની નજર, આક્રમક હુમલા માટે તૈયાર

ખંધા ચીન પર ભારતીય એરફોર્સની બાજ નજર

રજત પંડિત, નવી દિલ્હીઃ લદ્દાખમાં ચાલી રહેલા સૈન્ય તણાવ વચ્ચે ભારતીય વાયુસેના ચીનના તિબેટ અને શિનજિયાંગ પ્રાંતમાં આવેલ એરબેઝ પર ખૂબ જ બારીકાઈથી નજર રાખી રહ્યું છે. આ તમામ એરબેઝ પર ચીને ફાઈટર જેટ, બોમ્બર પ્લેન, ડ્રોન અને અન્ય વિમાન તહેનાત કર્યા છે. તો આ તરફ ભારતીય વાયુસેનાએ પણ પોતાની પૂરતી તૈયારી કરી લીધી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ચીનને લગતી તમામ સીમા પર કરી તૈયારી

સંરક્ષણ વિભાગના સૂત્રો દ્વારા જાણવા મળ્યા મુજબ ચીની એરફોર્સના શિનજિયાંગ સ્થિત હોટાન અને કાશગર, તિબેટમાં આવેલ ગરગુંસા અને લ્હાસા-ગોંગ્ગર અને શિગત્સે એરબેઝ પર કોઈ પ્રકારના મોટા હથિયારની તહેનાતી હજુ સુધી કરવામાં આવી નથી. આ એરબેઝ પૈકી કેટલાક હાલ અત્યારે જનરલ એરપોર્ટ તરીકે કામ કરે છે. જોકે તેમ છતા ભારત આ વખતે લુચ્ચા ચીનની દગાખોરીથી બચવા માટે 3488 કિમી લાંબી સરહદ પર દરેક ક્ષેત્રમાં વાયુસેના અને આર્મીની પૂરતી તહેનાતી કરવામાં આવી છે.

સરફેસ ટુ એર ડિપેન્સ મિસાઇલ તહેનાત

સૂત્રો મુજબ ચીન તરફથી સંભવિત હવાઈ હુમલાને જોતા જમીનથી હવામાં માર કરતી મિસાઇલોને પણ તહેનાત કરવામાં આવી છે. તો લદ્દાખમાં ફોરવર્ડ બેઝ પર સુખોઈ-30 MKI, મિગ-29 અને જેગુઆર વિમાનોને તહેનાત કર્યા છે. સૂત્રો મુજબ ચીની વાયુસેના પાસે ભારત કરતા 4 ગણા વધારે 2100 જેટલા ફાઈટર જેટ અને બોમ્બવર્ષક વિમાન છે. પરંતુ મહત્વપૂર્ણ સવાલ એ છે કે પરંપરાગત સૈન્ય કાર્યવાહીમાં તે ભારત સામે કેટલા પ્લેન તહેનાત કરશે.

ચીને પણ તહેનાત કર્યા છે પોતાના ફાઇટર્સ પ્લેન

 

હાલમાં હોટાન એરબેઝ પર 35-40 જે-11,જે-8 અને અન્ય ફાઇટર જેટ તહેનાત છે. આ ઉપરાંત કેટલાક સર્વેલન્સ અવાક્સ પ્લેન અને ડ્રોન તહેનાત છે. તો કાશગરમાં ચીને 6-8 H-6K બોમ્બ વર્ષક પ્લેનને તહેનાત કર્યા છે. એક સૂત્ર મુજબ ચીનની આર્મીને ભારતીય આર્મીની સામે નબળી પાડવા માટે ભારતીય વાયુસેના ચીનની તુલનામાં વધુ ઝડપી અને વધુ માત્રામાં ફાઈટર જેટ આ વિસ્તારોમાં તહેનાત કરી શકે છે.

ભારતીય વાયુસેના પાસે રણનીતિક ફાયદો

સૂત્રોએ કહ્યું કે ચીન અને પાકિસ્તાન બંને તરફથી જો હુમલો આવે તો ભારતીય સેના ઓછા વિમાનોની સંખ્યાને લઈને જજૂમી રહી છે. પરંતુ ચીની વાયુસેના સામે ગુણવત્તાની દ્રષ્ટીએ આપણે 2 પગથીયા ઉપર છીએ. આ ઉપરાંત ભારતીય વાયુસેનામાં ખૂબ જ જલ્દી નવા 36 રફાલ ફાઈટર જેટ સામેલ થવા જઈ રહ્યા છે. તો સામી તરફ ચીનને ઉંચાઈવાળા વિસ્તારોને કારણે વધુ નુકસાન ઉઠાવવું પડી શકે છે. જેનાથી તેના ફાઇટર જેટને હથિયાર અને ઇંધણ લઇ જવાની ક્ષમતા પર બહુ ખરાબ અસર પડી શકે છે.

from Page Array – I Am Gujarat https://ift.tt/3g4dd6j