કામ્યા પંજાબીને જોતાં જ શલભને થઈ ગયો હતો પ્રેમ, પહેલી મીટિંગમાં આપી હતી આ ગિફ્ટ

કામ્યાએ બીજીવાર કર્યા લગ્ન

બિગ બોસની કન્ટેસ્ટન્ટ રહી ચૂકેલી ટીવી એક્ટ્રેસ કામ્યા પંજાબીએ આ વર્ષે 10 ફેબ્રુઆરીએ લગ્ન કર્યા હતા. કામ્યા પંજાબીએ દિલ્હીના હેલ્થ પ્રોફેશનલ શલભ ડાંગ સાથે લગ્ન કર્યા, જેની સાથે તેની પહેલી મુલાકાત ગયા વર્ષે ફેબ્રુઆરીમાં થઈ હતી. કામ્યા અને શલભના આ બીજા લગ્ન છે અને પહેલા લગ્નથી તેમને એક-એક સંતાન પણ છે.

લગ્નના 4 મહિના બાદ જણાવી લવ સ્ટોરી

કામ્યાએ લગ્નના ચાર મહિના બાદ પોતાની લવ સ્ટોરી અને શલભ સાથેની પહેલી મુલાકાત વિશે જણાવ્યું છે. કામ્યાએ જણાવ્યું કે, પહેલી મુલાકાતમાં જ શલભને તે પસંદ આવી ગઈ હતી અને દોઢ મહિના બાદ તેણે તેને પ્રપોઝ કર્યું હતું. જો કે, કામ્યા બીજી વખત લગ્ન કરવા માગતી નહોતી અને તેથી તેણે હા પાડવામાં સમય પણ ઘણો લીધો.

આ રીતે શરૂ થઈ લવ સ્ટોરી

કામ્યા અને શલભે હાલમાં જ આપેલા એક ઈન્ટરવ્યૂમાં જણાવ્યું હતું કે, બંનેએ ઘણા દિવસો સુધી ફોન પર ચેટિંગ કરી હતી. બાદમાં કોઈ કામથી શલભને મુંબઈ આવવાનું થયું તો બંનેએ મળવાનો નિર્ણય લીધો. આ મુલાકાતના બે અઠવાડિયા બાદ કામ્યાને પણ શલભ પ્રત્યે પ્રેમ થઈ ગયો અને તેણે લગ્ન માટે હા પાડી દીધી.

પહેલી મુલાકાતમાં આપી હતી આ ગિફ્ટ

કામ્યાએ જણાવ્યું કે, પહેલી મુલાકાતમાં જ શલભે તેને Swarovski ઈયરરિંગ્સ આપી હતી અને કહ્યું હતું કે, ‘હું ખાલી હાથે કેવી રીતે આવી શકું’. આટલી મોંઘી ગિફ્ટ જોઈને પહેલા તો કામ્યાને અજીબ લાગ્યું હતું. તેણે આ વાત કરતાં જણાવ્યું હતું કે, તેને પહેલા લગ્નમાં એક ગુલાબનું ફૂલ પણ નહોતું મળ્યું અને શલભે પહેલી જ મુલાકાતમાં તેને Swarovski ઈયરરિંગ્સ આપી.

આ કારણથી પસંદ આવ્યો હતો શલભ

શલભ કેમ પસંદ આવ્યો તે વિશે પણ કામ્યાએ જણાવ્યું. એક્ટ્રેસે કહ્યું કે, તેણે શલભમાં મેચ્યોરિટી અને પરિવાર માટે જવાબદારી જોઈ અને આ વાત તેને ખૂબ પસંદ આવી. કામ્યાએ તેમ પણ કહ્યું કે, શલભ તેના કામને સારી રીતે સમજે છે.

બીજીવાર લગ્ન કરવા નહોતી માગતી કામ્યા

કામ્યાએ કહ્યું કે, તે બીજા લગ્નની સખ્ત વિરુદ્ધમાં હતી. તેણે જણાવ્યું કે, ‘મેં શલભને કહ્યું કે, આપણે બાળકો છે, અલગ લાઈફ છે, અલગ સ્કૂલ છે તો તેણે મને સમજાવી. મેં તેને કહ્યું કે, હું મુંબઈમાં રહું છું અને તે દિલ્હીમાં. મેં તેને તેમ પણ કહ્યું કે, હું મારૂં કરિયર છોડવા માગતી નથી. તેણે દરેક બાબત મને સમજાવી. શલભે મને ખાતરી આપી અને બાદમાં હું લગ્ન માટે તૈયાર થઈ’.

2003માં કર્યા હતા પહેલા લગ્ન

આપને જણાવી દઈએ કે, કામ્યાએ 2003માં બંટી નેગી સાથે લગ્ન કર્યા હતા, જેનાથી તેને એક દીકરી આરા છે. જો કે, આ લગ્ન લાંબો સમય ટક્યા નહીં અને લગભગ 10 વર્ષ બાદ એટલે કે 2013માં બંને અલગ થઈ ગયા. ડિવોર્સ બાદ કામ્યાએ ટીવી એક્ટર કરણ પટેલને ડેટ કર્યો અને 2015માં બંનેનું બ્રેકઅપ થઈ ગયું.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/3dDNAIP