Maruti Suzuki: મે મહિનાના લોકડાઉનમાં ભારતીય ઓટો માર્કેટમાં 13,865 કાર વેચી

મારુતિઃ લોકડાઉનમાં વેચાઈ ઢગલો કાર

શર્મીષ્ઠા મુખર્જી, નવી દિલ્હીઃ મારુતિ સુઝુકીએ મે મે મહિનામાં દેશમાં 13,865 સ્થાનિક માર્કેટમાં કાર વેચી છે. કંપનીએ ગુરુગ્રામ અને માનેસર સ્થિતિ પોતાના પ્લાન્ટમાં કામ શરુ કર્યું હતું. લોકડાઉનના કારણે કંપનીના પ્લાન્ટમાં કામકાજ બંધ હતું. મારુતિ સુઝુકી કાર બનાવતી દેશની સૌથી મોટી કંપની છે.

કંપનીએ નિયમોનું પાલન કરીને કાર્સ વેચી

કંપનીએ આ અંગે જણાવ્યું છે કે, “કંપનીએ કેન્દ્ર અને રાજ્યના દિશા-નિર્દેશ પ્રમાણે અલગ-અલગ શહેરોમાં પોતોના શો-રુમમાં કામકાજ ધીમે-ધીમે શરુ કર્યું છે. કન્ટેનમેન્ટ ઝોનની બહાર સ્થિત બાકી બચેલા શોરુમમાં પણ ભવિષ્યમાં કામકાજ શરુ કરવામાં આવશે.”

પાછલા વર્ષ કરતા ઘણું ઓછું વેચાણ

કોરોના વાયરસના ફેલાવાને અટકાવવા માટે સરકારે લોકડાઉન જાહેર કર્યું હતું. જેના કારણે આર્થિક ગતિવિધિ ઠપ થઈ ગઈ હતી. જેની અસર કંપનીના વેચાણ પર પણ પડી. પાછલા વર્ષે મેમાં મારુતિ સુઝુકીએ લોકલ માર્કેટમાં 1,25,552 કાર વેચી હતી.

કાર એક્સપોર્ટ કરવાનું પણ શરુ

કંપનીએ મુંદ્રા અને મુંબઈના પોર્ટ ખુલ્યા બાદ 4,651 કાર એક્સપોર્ટ કરી છે. આ દરમિયાન કામકાજ સાથે જોડાયેલી ગાઈડલાઈન્સનું સંપૂર્ણ ધ્યાન રાખવામાં આવી રહ્યું છે. કંપનીએ મેમાં પોતાના એલાયન્સ પાર્ટનર ટોયોટાને પણ 23 કાર વેચી છે. કંપનીએ સરકારની મંજૂરી મળ્યા પછી માનસર પ્લાન્ટમાં 12 મે અને ગુરુગ્રામ પ્લાન્ટ 18 મેથી કામકાજ શરુ કર્યું હતું.

ગુજરાતમાં પણ ઉત્પાદન ફરી શરુ

25 મેથી સુઝુકી મોટર ગુજરાત પ્રાઈવેટ લિમિટેડ (SMG)માં પણ ઉત્પાદન ફરી શરુ કરવામાં આવ્યું છે. SMG કોન્ટ્રાક્ટ આધારે મારુતિ સુઝુકી માટે કાર બનાવે છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat https://ift.tt/3cqL0EG