Mitron, Remove China appsને કેમ પ્લે સ્ટોર પરથી હટાવાઈ? ગૂગલે આપ્યું કારણ

બહુ ગાજેલી બંને એપ્સ પ્લે સ્ટોર પરથી હટાવાઈ

બહુ ગાજેલી મિત્રો તેમજ એન્ટી ચાઈના એપ ગુગલે પ્લે સ્ટોર પરથી હટાવી દીધી છે. Mitronને ટિકટોકનું દેસી વર્ઝન કહેવાઈ રહી હતી, જ્યારે રિમૂવ ચાઈના એપ તમારા ફોનમાં કોઈ ચાઈનીઝ એપ હોય તો તેને શોધીને રિમૂવ કરી દેતી હતી. જોકે, આ બંનેને પ્લે સ્ટોર પરથી હટાવવાનું કારણ આપતા ગુગલે જણાવ્યું છે કે કેમ રાતોરાત પોપ્યુલર બની ગયેલી આ એપ્સને દૂર કરવામાં આવી.

મિત્રોનું પાકિસ્તાની કનેક્શન?

પ્લે સ્ટોર પરથી સૌ પહેલા Mitron દૂર કરઈ હતી. આ એપનું કથિત પાકિસ્તાની કનેક્શન પણ બહાર આવ્યું હતું. આ એપનો સોર્સ કોડ પાકિસ્તાન સ્થિત ડેવલપર કંપનીએ તૈયાર કર્યો હોવાના અહેવાલો હતા. ગૂગલના જણાવ્યા અનુસાર, મિત્રોમાં અનેક ટેકનિકલ વાયોલેશન થયા હોવાના કારણે આ એપને પ્લે સ્ટોર પરથી હટાવાઈ હતી.

ફરી આવી શકે છે મિત્રો

જોકે, આ એફ કાયમ માટે દૂર થઈ ગઈ છે તેવું નથી. ગૂગલનું કહેવું છે કે તે ડેવલપર્સ સાથે મળીને તેમને એપમાં જે પ્રોબ્લેમ છે તેને દૂર કરવામાં મદદ કરી રહી છે. ગૂગલે એવી હિન્ટ પણ આપી છે કે મિત્રો ગમે ત્યારે કમબેક પણ કરી શકે છે. ગૂગલે પોતાના બ્લોગમાં જણાવ્યું છે કે તેણે એપના ડેવલપરને કેટલાક મુદ્દા જણાવ્યા છે. જે અનુસાર એપમાં સુધારાવધારા થઈ જાય ત્યારબાદ તે પ્લે સ્ટોર પર ફરી આવી શકે છે.

રિમૂવ ચાઈના એપ પણ ઉડી ગઈ

બીજી એપ જે પ્લે સ્ટોર પરથી ગાયબ થઈ ગઈ છે તે છે રિમૂવ ચાઈના એપ્સ. આ એપ દેશમાં હાલ ચીન વિરોધી જૂવાળ ચાલી રહ્યો છે તેવા સમયે જોરદાર પોપ્યુલર બની હતી. લોકો તેને ડાઉનલોડ કરી ચાઈનીઝ એપ રિમૂવ કરીને પોતાના સ્ક્રીનશોટ્સ શેર કરતા હતા. જોકે, ગણતરીના દિવસોમાં જ આ એપ પ્લે સ્ટોર પરથી ગાયબ થઈ ગઈ હતી.

ગૂગલે આપ્યું આવું કારણ

ગૂગલે આ એપનું નામ આપ્યા વિના જ જણાવ્યું છે કે તેણે પોલિસી ગાઈડલાઈન્સના ભંગ બદલ અનેક એપ્સને સસ્પેન્ડ કરી દીધી છે. સામાન્ય રીતે ગૂગલ એવી કોઈ એપ્સને પ્રોત્સાહન નથી આપતી કે જે યુઝર્સને થર્ડ પાર્ટી એપ્સ ડિલીટ કરવા માટે પ્રેરે. ગૂગલનું કહેવું છે કે તે સ્વસ્થ, સ્પર્ધાત્મક વાતાવરણ ધરાવતું પ્લેટફોર્મ પૂરું પાડે છે જેમાં ડેવલપર્સ પોતાની ડિઝાઈન અને ઈનોવેશનના જોરે સફળ થઈ શકે.

રિમૂવ ચાઈના એપ પાછી ક્યારેય નહીં આવે?

રિમૂવ ચાઈના એપ અન્ય ચોક્કસ એપ્સને ટાર્ગેટ કરતી હતી. ગૂગલનું કહેવું છે કે જે રીતે આ એપ કામ કરતી હતી તે તેના નિયમોને અનુરૂપ નથી. માત્ર ભારતમાં જ નહીં, ગૂગલે અન્ય દેશોમાં પણ આ પ્રકારની અનેક એપ્સને ભૂતકાળમાં પણ પ્લે સ્ટોર પરથી દૂર કરી છે. એક તરફ મિત્રો નામની એપ કદાચ રિએન્ટ્રી કરી શકે છે, પરંતુ રિમૂવ ચાઈના એપ કદાચ ફરી ક્યારેય પ્લે સ્ટોર પર જોવા નહીં મળે.

from Page Array – I Am Gujarat https://ift.tt/2Udpqx5