અમદાવાદ: રાજ્યસભાની ચૂંટણી પહેલા કોંગ્રેસમાં જાણે રાજીનામાંનો દોર અટકવાનું નામ નથી લઈ રહ્યો. ગઈકાલે બે ધારાસભ્યોએ રાજીનામું આપ્યા બાદ આજે મોરબીના MLA બ્રિજેશ મેરજાએ પક્ષને રામ-રામ કહી દીધા છે. મેરજાએ સોનિયા ગાંધીને મોકલેલા મેસેજનો સ્ક્રીનશોટ પણ બહાર આવ્યો છે, જેમાં તેમણે જણાવ્યું છે કે તેઓ પાર્ટીમાં રહીને જનતાના કામો કરવા સક્ષમ ના હોવાથી તેઓ કોંગ્રેસના પ્રાથમિક સભ્ય પદેથી રાજીનામું આપી રહ્યા છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
રાજ્યસભાની ચાર બેઠકો પર થનારી ચૂંટણી અગાઉ છેક માર્ચ મહિનાથી કોંગ્રેસમાંથી રાજીનામાં પડવાનો સિલસિલો શરુ થયો હતો. લોકડાઉનમાં ચૂંટણી પણ રદ્ થતાં થોડા સમય માટે બધું શાંત થઈ ગયું હતું. જોકે, 19 જૂનના રોજ ચૂંટણી યોજવાનું નક્કી થતાં જ કોંગ્રેસમાં ફરી રાજીનામાં પડવાના શરુ થઈ ગયા છે. હજુ ગઈકાલે જ કરજણ અને કપરાડાના ધારાસભ્યોએ રાજીનામું આપ્યું હતું.
19 જૂને વોટિંગ થાય તે પહેલા કોંગ્રેસમાંથી અત્યારસુધી 8 ધારાસભ્યો રાજીનામાં આપી ચૂક્યા છે. જોકે, રાજ્યસભાની ચૂંટણી પહેલા કોંગ્રેસમાંથી ધડાધડ વિકેટો પડવી નવી વાત નથી. 2017માં પણ આવું જ થયું હતું, અને 2019ની લોકસભા ચૂંટણી પહેલા પણ કોંગ્રેસમાંથી મોટી સંખ્યામાં રાજીનામાં પડ્યા હતા. હાલની સ્થિતિમાં કોંગ્રેસમાંથી વધુ ત્રણ રાજીનામાં પડ્યા બાદ અત્યારે વિધાનસભામાં ધારાસભ્યોની સંખ્યા ઘટીને 172 થઈ ગઈ છે.
ભાજપ પાસે ધારાસભ્યોનું સંખ્યાબળ 103નું છે, જ્યારે કોંગ્રેસ પાસે હવે 65 ધારાસભ્યો રહ્યા છે. આ સિવાય વિધાનસભામાં બીટીપીના બે, એનસીપીના એક અને એક અપક્ષ ધારાસભ્ય છે. જે ચાર રાજ્યસભાની બેઠકો પર ચૂંટણી થઈ રહી છે તેમાં એક ઉમેદવારને જીતાડવા માટે 35 પ્રેફરન્સ વોટ જરુરી છે. કોંગ્રેસનું સંખ્યાબળ ઘટતા હવે ભાજપ પાસે પોતાના ત્રણ ઉમેદવારોને જીતાડવાની ઉજળી તક છે.
ચાર બેઠકોમાંથી કોંગ્રેસે બે બેઠકો પર દાવેદારી નોંધાવતા શક્તિસિંહ ગોહિલ અને ભરતસિંહ સોલંકીને ટિકિટો આપી છે. જોકે, આ બંનેમાંથી હવે કોને પહેલી પસંદગી મળે છે તે જોવાનું રહેશે. ભાજપે જે ત્રણ ઉમેદવારોને ટિકિટ આપી છે તેમાં અજય ભારદ્વાજ, રમીલાબેન બારા અને ત્રીજા ઉમેદવાર તરીકે નરહરિ અમીનનો સમાવેશ થાય છે.
from Page Array – I Am Gujarat https://ift.tt/2Ude8c3
No comments:
Post a Comment