શરૂ થયું ‘તારક મહેતા…’નું શૂટિંગ
કોરોના વાયરસ મહામારીના કારણે માર્ચ મહિનાથી બંધ થયેલા સીરિયલોના શૂટિંગ ફરી શરૂ થઈ ગયા છે. છેલ્લા 10થી વધુ દિવસથી વિવિધ શોના શૂટિંગ શરૂ થઈ ગયા છે ત્યારે ‘તારક મહેતા કા ઉલ્ટા ચશ્મા’નું શૂટિંગ શરૂ થયું નહોતું. જો કે, હવે સૌની ફેવરિટ કોમેડી સીરિયલનું શૂટિંગ આજથી (10 જુલાઈ)થી શરૂ થઈ ગયું છે. મતલબ કે, થોડા દિવસોમાં સીરિયલના નવા એપિસોડ જોવા મળશે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
માસ્ક અને ફેસ શિલ્ડમાં દેખાયા ક્રૂ મેમ્બર્સ
‘તારક મહેતા કા ઉલ્ટા ચશ્મા’ના ડાયરેક્ટર માલવ રાજદાએ શૂટિંગ શરૂ થવાના ગુડ ન્યૂઝ આપ્યા છે. માલવે ઈન્સ્ટાગ્રામ પર નવા નિયમો સાથે શરૂ થયેલા શૂટિંગની તસવીરો પણ શેર કરી છે. તસવીરોમાં માલવ રાજદા સીન ડાયરેક્ટ કરતો જોવા મળે છે. તસવીરમાં જોઈ શકાય છે કે, સૌએ સેફ્ટીના ભાગરૂપ માસ્ક અને ફેસ શિલ્ડ પહેર્યા છે. 115 દિવસ પછી કામ પર આવીને માલવ રાજદા ખુશ છે.
‘હસવા માટે તૈયાર થઈ જાવ’
માલવે તસવીરો શેર કરતાં લખ્યું, “રોલ….રોલિંગ…એક્શન….115 દિવસ પછી આખરે શૂટિંગ શરૂ થયું…કામ શરૂ કરીને ખૂબ સારું લાગે છે…ફરીથી હસવા માટે તૈયાર થઈ જાવ.” માલવની પત્ની અને એક્ટ્રેસ પ્રિયા આહુજાએ પતિની પોસ્ટ પર કોમેન્ટ કરતાં કહ્યું, “લવ યુ માલુડી…તારા માટે બહુ ખુશ છું…પ્લીઝ તારું ધ્યાન રાખજે. તને અત્યારથી જ મિસ કરું છું.” જણાવી દઈએ કે, પ્રિયા આ સીરિયલમાં ‘રિટા રિપોર્ટર’નો રોલ કરે છે.
અગાઉ પણ સેટની લીધી હતી મુલાકાત
થોડા દિવસ પહેલા જ માલવ રાજદા અને ટીમના બાકીના સભ્યોએ સેટની મુલાકાત લીધી હતી. સીરિયલની કાસ્ટ અને ક્રૂની સેફ્ટીના માપદંડ ચેક કરવા માટે તેઓ ‘ગોકુલધામ સોસાયટી’ પહોંચ્યા હતા. માલવ રાજદાએ આ તસવીરો પણ શેર કરી હતી. જેમાં ભઈલુનું પાત્ર ભજવતો એક્ટર મેકઅપનો ટ્રાયલ લેતો જોવા મળ્યો હતો.
12 વર્ષથી સીરિયલ કરે છે મનોરંજન
જણાવી દઈએ કે, ‘તારક મહેતા કા ઉલ્ટા ચશ્મા’ ટીવી પર ચાલનારી સૌથી લાંબી સિટકોમ છે. છેલ્લા 12 વર્ષથી આ સીરિયલ દર્શકોને હસાવી રહી છે. સીરિયલના પાત્રો ઘરે-ઘરે પ્રખ્યાત છે. દિલીપ જોશી, મુનમુન દત્તા, અમિત ભટ્ટ, શૈલેષ લોઢા, રાજ અનડકત, પલક સિદ્ધવાની વગેરે સીરિયલના જાણીતા કલાકારો છે.
from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/2ZdsgFa
No comments:
Post a Comment