કાનપુરઃ એન્કાઉન્ટરમાં 8 પોલીસ કર્મીઓના મોત બાદ વિકાસ દુબેની ગેંગ પાછળ યુપી પોલીસ પડી છે. જેમાં છેલ્લા 6 કલાકમાં જ બે એન્કાઉન્ટર અને કેટલાક આરોપીની ધરપકડ કરી હતી. બુધવારે યુપી પોલીસે વિકાસના રાઈટ હેન્ડ ગણાતા તેના ભત્રીજાને એન્કાઉન્ટરમાં ઠાર કર્યો સાથે જ તેના એક સાથીદાર અને અન્ય ત્રણ લોકોની ધરપકડ કરી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આ બાદ STFએ દુબેના સાળા તથા બાળપણના મિત્ર રાજુ કુલ્હાર ઉર્ફે જ્ઞાનેન્દ્રને મધ્યપ્રદેશના શાહડોલથી પકડી લીધા. કુલ્હારના દીકરા આદર્શને પણ એક દિવસ પહેલા પકડી લેવાયો હતો, પરંતુ તેના પિતાને ડિટેઈન કરાયા બાદ તેની ધરપકડની વાત જાહેર કરવામાં આવી હતી.
ADG પ્રશાંત કુમારે કહ્યું, મોસ્ટ-વોન્ટેડ ગેંગસ્ટર અમર દુબે વિકાસ દુબેનો બોડીગાર્ડ અને ભત્રીજાો, યુપીના બુંદેલખંડ વિસ્તારના હમીરપુરમાં શૂટઆઉટ દરમિયાન ઠાર કરાયો. મૌદાહા રોડ પરના આ એન્કાઉન્ટરમાં અમરે કરેલા ફાયરમાં STFનો સભ્ય અને એક કોન્સ્ટેબલ ઈજાગ્રસ્ત થયો હતો, જ્યારે મંગળવારે મોડી રાત્રે બાતમીના આધારે હરિયાણાના ફરિદાબાદની હોટલમાંથી ત્રણ સાથીદારોને પકડી લેવામાં આવ્યા હતા.
અમરે નવ દિવસ પહેલા જ લગ્ન કર્યા હતા અને છોકરીના પરિવાર પાસેથી બંદૂકની અણીએ લગ્નની મંજૂરી લેવાઈ હતી. શુક્રવારે રાત્રે વિકાસ દુબેને પકડવા માટે કાનપુર નજીક બિકરુ ગામમાં ગયેલી પોલીસ પર ફાયરિંગની ઘટનાથી તે ફરાર હતો. અમરના માથે 50,000 રૂપિયાનું ઈનામ પણ રખાયું હતું. મંગળવારે પોલીસે અમર તથા ગેંગના 14 અન્ય સભ્યોનું સ્કેચ જાહેર કર્યું હતું. પોલીસ પર ફાયરિંગની ઘટના બાદ અમર વિકાસ દુબેનો ત્રીજો સંબંધી અને ગેંગસ્ટર છે જેનું એન્કાઉન્ટર કરાયું છે. આ પહેલા બિકરૂ નજીક શિવલી જંગલમાં પ્રેમ પ્રકાસ દુબે અને અતુલ દુબેને એન્કટાઉન્ટરમાં ઠાર કરાયા હતા.
ઉલ્લેખનીય છે કે સોમવારે આરોપીઓને મદદ કરવાના ગુનામાં અમરની માતા અને ઘરઘાટી સહિત અન્ય બે લોકોની પણ ધરપકડ કરાઈ હતી. જ્યારે બીજું એન્કાઉન્ટર દુબેના ખાસ મનાતા શ્યામુ બાજપાઈનું કરાયું હતું. પોલીસની ટીમ પકડવા જતા તેણે બંદૂકથી ઓપન ફાયર કરીને ભાગવાનો પ્રયાસ કર્યો હતો, જેમાં પોલીસે તેના પગમાં ગોળી મારીને પકડી લીધો હતો.
from Page Array – I Am Gujarat https://ift.tt/31XTYri
No comments:
Post a Comment