અમિતાભ બચ્ચનને થયો કોરોના
મુંબઈઃ બોલિવૂડના મેગાસ્ટાર અમિતાભ બચ્ચનને શનિવારે સાંજે મુંબઈના નાણાવટી હોસ્પિટલમાં એડમિટ કરાવાયા હતા. તેમણે ટ્વીટ કરીને જાણકારી આપી હતી કે તેઓ કોરોના પોઝિટિવ છે. ત્યારે અમિતાભના દીકરા અભિષેક બચ્ચન પણ કોરોના પોઝિટિવ આવ્યો છે. અભિષેકને પણ હોસ્પિટલમાં એડમિટ કરાવાયો છે. અમિતાભની હાલત સ્થિર હોવાનું કહેવાઈ રહ્યું છે અને ડોક્ટર્સનું કહેવું છું કે ગભરાવવાની કોઈ વાત નથી.
ડોક્ટર્સે સ્વાસ્થ્ય પર આપી અપડેટ
જેવું ફેન્સે સાંભળ્યું કે અમિતાભ બચ્ચન કોરોના પોઝિટિવ છે, સમગ્ર દેશમાં તેમના માટે પ્રાર્થના અને દુઆઓ શરૂ થઈ ગઈ હતી. પરંતુ હવે તેમની સ્થિતિ સ્થિર છે. પહેલા તેમનું ઓક્સીજન લેવલ 90ની આસપાસ જતું રહ્યું હતું જે હવે ફરી 95 સુધી પાછું આવી ગયું છે. ડોક્ટર્સનું કહેવું છે કે તેમની હાલત સ્થિર છે અને ગભરાવવાની કોઈ વાત નથી.
અમિતાભે ડોક્ટર્સનો માન્યો આભાર
આ સાથે જ અમિતાભ બચ્ચને મુંબઈની નાણાવટી હોસ્પિટલમાંથી એક વીડિયો પણ બનાવીને શેર કર્યો છે. જેમાં તેઓ દેશના તમામ ડોક્ટર્સને કોરોનાના આ કપરા સમયમાં ઉત્તમ કામગીરી માટે આભાર વ્યક્ત કરી રહ્યા છે.
ઐશ્વર્યા અને જયા નેગેટિવ
બોલિવૂડ સુપરસ્ટાર અમિતાભ બચ્ચન અને અભિષેક બચ્ચનના કોરોના પોઝિટિવ આવ્યા બાદ ઘરના બાકી સદસ્યો અને સ્ટાફનો કોરોના ટેસ્ટ કરાવાયો હતો, જેમાં ઐશ્વર્યા રાય બચ્ચન અને જયા બચ્ચનની રિપોર્ટ નેગેટિવ આવી હતી. ઘરના અન્ય સદસ્યોની રિપોર્ટ હજુ સુધી આવી નથી, જલ્દી તેમની પણ રિપોર્ટ આવી જશે.
78 વર્ષના અમિતાભને અન્ય સ્વાસ્થ્ય સમસ્યાઓ
ઉલ્લેખનીય છે કે 78 વર્ષના અમિતાભ બચ્ચનને પહેલાથી લીવરમા પ્રોબ્લેમ સહિત અન્ય કેટલીક સ્વાસ્થ્ય સમસ્યાઓ છે. એવામાં કોરોના પોઝિટિવ આવવા પર તેમણે વધારે સાવચેત રહેવાની જરૂરી છે. જોકે તેઓ પોતાની ઉંમરના હિસાબથી વધારે વર્કઆઉટ કરતા રહે છે.
ફેન્સે જલ્દી સાજા થવા પ્રાર્થના કરી
જેવી જ અમિતાભ બચ્ચન કોરોના પોઝિટિવ હોવાની વાત સામે આવી. આ બાદ તેમના ફેન્સ અને બોલિવૂડ ઈન્ડસ્ટ્રીના લોકોએ તેમની સલામતી માટે પ્રાર્થના કરવાનું શરૂ કરી દીધું. પરેશ રાવલ, રિતેશ દેશમુખ, મનોજ વાજપેયી, લારા દત્તા, પરિણીતિ ચોપડા સહિતના તમામ સેલેબ્રિટીઓએ તેમના જલ્દી સાજા થવાની પ્રાર્થના કરી રહ્યા છે.
from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2Wd6CiB
No comments:
Post a Comment