નવી દિલ્હીઃ પોલીસ જ પોલીસથી ભય હોવાનું કહે ત્યારે કોણ સુરક્ષિત છે તેવો એક પહેલો સવાલ ઉભો થાય. વિકાસ દુબે કેસમાં કથિત રીતે ગેંગસ્ટરના ખબરી તરીકે કામ કરવાના આરોપ સબ ધરપકડ કરાયેલા પોલીસ સબ ઇન્સ્પેક્ટરે સુપ્રીમ કોર્ટમાં અરજી કરતા કહ્યું કે યુપીના એન્કાઉન્ટર સ્પેશિયાલિસ્ટ પોલીસ તેનું પણ એન્કાઉન્ટર કરી શકે છે. ગત 3 જુલાઈએ કાનપુરના બિકરુ ગામમાં ગેંગસ્ટર વિકાસ દુબેને પકડવા ગયેલી પોલીસ પર હુમલો કરીને 8 પોલીસ જવાનની હત્યા કર્યા બાદ યુપી પોલીસે એક સપ્તાહમાં વિકાસ દુબે સહિત તેના 5 સાગરિતોને શોધી શોધીને એન્કાઉન્ટર કરી નાખ્યું છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
3 જુલાઈના રોજ વિકાસ દુબેના ઘરે પોલીસ રેડ પડતા પહેલા જ તેને આ અંગે જાણ કરી દેવાથી ગેંગસ્ટર વિકાસ અને તેના સાગરિતોએ પોલીસ પાર્ટી પર ચારેતરફથી હુમલો કર્યો હતો. આ સામસામા ઘમાસાણમાં પોલીસના 8 જવાન માર્યા ગયા હતા. જેને લઈને ચૌબેપુર પોલીસ સ્ટેશનના સબ ઇન્સ્પેક્ટર કેકે શર્માની ધરપકડ કરવામાં આવી હતી. આ અંગે હવે શર્મા અને તેની પત્નિ વિનિતા સિરોહીએ સુપ્રીમ કોર્ટમાં અપીલ કરતા જણાવ્યું છેકે આ સમગ્ર કેસની તપાસ CBI અંદર આપવી જોઈએ. કારણ કે યુપી પોલીસના જ 8 જવાનના મોત થયા હોવાથી તપાસ નિષ્પક્ષ થઈ શકે તેમ નથી.
આ સાથે શર્મા અને તેની પત્નિએ પોતાની અરજીમાં ભય દાખવ્યો છે કે જે રીતે વિકાસ દુબે અને તેના 5 સાથીનું એન્કાઉન્ટર કરવામાં આવ્યું છે તે જ રીતે તેનું પણ એન્કાઉન્ટર કરવામાં આવી શકે છે. જેથી ઇન્ટરોગેશન માટે પણ તેને જેલની બહાર ન કાઢવામાં આવે અને જેલમાં જ તેની સામે તપાસ ચલાવવામાં આવે. શર્માની પત્નિએ પોતાની અપીલમાં લખ્યું છે કે, ‘3 જુલાઈના રોજ બનેલી ઘટનામાં લખવામાં આવેલ FIRમાં રહેલા આરોપીનો નામ અને એકબાદ એકનું એકાઉન્ટર જોતા અમારું માનવું છે કે પોલીસ આવી જ કોઈ ગેરરીતિ અપનાવીને ગેરબંધારણિય રીતે મારા પતિનું પણ એન્કાઉન્ટર કરી નાખશે. ‘
આ અંગે સુપ્રીમ કોર્ટમાં NGO પીપલ્સ યુનિયન ફોર સિવિલ લિબરેશન દ્વારા પણ એક અપીલ કરવામાં આવી હતી જેમાં યુપીમાં 2016થી 2018 સુધી કરવામાં આવલે જુદા જુદા એન્કાઉન્ટરની કોર્ટની દેખરેખમાં તપાસ અને વિકાસ દુબે તેમજ તેના સાથીઓના એન્કાઉન્ટરની તપાસ અંગે પણ અપીલ કરવામાં આવી છે.
from Page Array – I Am Gujarat https://ift.tt/3iQK2WJ
No comments:
Post a Comment