કાનપુર શુટઆઉટ: ગેંગસ્ટર વિકાસ દુબેનો રાઈટ હેન્ડ અમર દુબે એન્કાઉન્ટરમાં ઠાર મરાયો

વિકાસ દુબેનો રાઈટ હેન્ડ ઠાર મરાયો

કાનપુર: કાનપુરમાં આઠ પોલીસકર્મીની હત્યાના આરોપી વિકાસ દુબેની ધરપકડની કાર્યવાહી તેજ કરી દીધી છે. પોલીસે બુધવારે સવારે ગેંગસ્ટર વિકાસ દુબેના રાઈટ હેન્ડ અમર દુબેનું એન્કાઉન્ટર કરી દીધું છે. ઉત્તર પ્રદેશ પોલીસની સ્પેશિયલ ટાસ્ક ફોર્સે હમીરપુરમાં અમર દુબેને ઠાર માર્યો છે. એવું કહેવામાં આવી રહ્યું છે કે, જ્યારે પોલીસ 2 જુલાઇની રાત્રે વિકાસ દુબેના ઘરે દરોડા પાડવા ગઈ હતી. ત્યારે અમર દુબે પણ ત્યાં હાજર હતો.

કાનપુર શુટઆઉટ બાદ ફરાર હતો

પોલીસના જણાવ્યા અનુસાર અમર દુબે કાનપુરના બિકરુ ગામમાં વિકાસ દુબે સાથે શૂટઆઉટમાં સામેલ હતો. અમર સાથે વિકાસ અને તેના સાથીઓએ પોલીસ ટીમમાં ભારે ગોળીબાર કર્યો હતો. આ ઘટનામાં 8 પોલીસ જવાન શહીદ થયા ત્યારથી તેની શોધ કરવામાં આવી રહી છે. અમર ઉપર 25 હજાર રૂપિયાનું ઇનામ પણ જાહેર કરાયું હતું.

હમીરપુરમાં આશરો લેવાનો પ્લાન હતો

એવું કહેવામાં આવી રહ્યું છે કે અમર દુબે કોઈ સંબંધીના ઘરે આશરો લેવાના ઇરાદે હમીરપુરમાં આવ્યો હતો. આ પહેલા તેણે હરિયાણાના ફરીદાબાદમાં આશરો લીધો હતો. અમર દુબેની હિલચાલ બાદ તેને સ્પેશિયલ ટાસ્ક ફોર્સ (STF)ઘેરી લીધો હતો. STFએ અમરને સરેંડર કરવા માટે પણ કહ્યું હતું. આ દરમિયાન દુબેએ બચવાનો નિષ્ફળ પ્રયાસ કરતાં ગોળીબાર કરતા પોલીસ દ્વારા ક્રોસ ફાયરિંગમાં ઠાર મરાયો છે.

ફાયરિંગ વખતે વિકાસની સાથે હતો અમર

એવું કહેવામાં આવી રહ્યું છે કે, જ્યારે પોલીસ 2 જુલાઇની રાત્રે વિકાસ દુબેના ઘરે દરોડા પાડવા ગઈ હતી. ત્યારે અમર દુબે પણ ત્યાં હાજર હતો. તે પોલીસકર્મીઓ ઉપર ફાયરિંગ અને તેમની હત્યા કરવામાં પણ સામેલ હતો. આ ઘટના બાદથી અમર વિકાસની સાથે ભાગી ગયો હતો. અમર વિકાસના ખાસ લોકોમાનો એક હતો.

પશ્ચિમ યુપીથી હરિયાણા સુધી વિકાસની શોધખોળ

પોલીસ ટીમોએ વિકાસ દુબેની પશ્ચિમ યુપીમાં શોધખોળ હાથ ઘરી છે. વિકાસની શોધખોળ માટે પશ્ચિમ યુપી અને બુંદેલખંડના કેટલાક વિસ્તારોમાં એસટીએફની ટીમો તૈનાત કરવામાં આવી છે. આ સિવાય દિલ્હી અને હરિયાણાની દરેક કોર્ટ પર નજર રાખવામાં આવી રહી છે જ્યાં વિકાસ દુબેના સરેંડર કરવાની શંકા છે.

from Page Array – I Am Gujarat https://ift.tt/3e8wXEs