બિગ બોસની આ કન્ટેસ્ટન્ટને મળી ગયો મનનો માણીગર, ટૂંક સમયમાં કરશે લગ્ન

પોપ્યુલર એક્ટ્રેસ અને સિંગર જસલીન મથારુને આખરે તેનો મનનો માણીગર મળી ગયો છે. તે ભોપાલના કોસ્મેટિક સર્જન ડો. અભિનિત ગુપ્તાને ડેટ કરી રહી છે. તે 15 દિવસ સુધી ભોપાલમાં રહી હતી અને બાદમાં મુંબઈ પરત ફરી હતી. ભોપાલ એરપોર્ટ પર આ કપલ એકબીજાને ટાઈટ હગ આપી રહ્યું હોય તેવા દ્રશ્યો ETimes TVના કેમેરામાં કેદ થયા હતા. આ પહેલીવાર હતું કે જ્યારે બંને મળ્યા હતા. જસલીનને પોતાનો પ્રિન્સ ચાર્મ મળી જતાં તે ખૂબ ખુશ છે. અમારા સહયોગી સાથે એક્સક્લુઝિવ વાતચીત કરતાં કહ્યું કે, ‘તે એક ખૂબ સારી ટ્રિપ હતી. હું એક મ્યૂઝિક વીડિયો શૂટ માટે ત્યાં ગઈ હતી’.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

 

View this post on Instagram

 

My #jasleenmatharu #bhopal #mumbai #shooting #shoot #shootfilm #myworld #drabhinitgupta #poisonskinclinic @dbcitymall @jasleenmatharu

A post shared by Dr Abhinit Gupta (@drabhinitgupta) on Jul 4, 2020 at 5:02am PDT

ડો. અભિનિત પહેલાથી જ પરિણીત છે અને હાલ તે તેની પહેલી પત્ની પાસેથી ડિવોર્સ લેવાની લડાઈ લડી રહ્યો છે. અભિનિતે ગયા વર્ષે લગ્ન કર્યા હતા અને માત્ર 1-2 અઠવાડિયામાં જ તેમના લગ્નજીવનની વાત છેક ડિવોર્સ સુધી પહોંચી ગઈ હતી. જસલીનની અભિનિત સાથે મુલાકાત તેના મેન્ટોર અનુપ જલોટાએ કરાવી હતી. આ વિશે વાત કરતાં તેણે કહ્યું કે, ‘અભિનિતે મારી સાથે બધી સ્પષ્ટતા કરી છે. હું મેટર વિશે જાણું છું. મારી બાજુથી કોઈ આશંકા નથી. પરંતુ અમે જલ્દી જ લગ્ન કરીશું તે વાત ચોક્કસ છે’.

જસલીને ભારપૂર્વક જણાવ્યું હતું કે, ‘પહેલું એ કે અભિનિતના ટૂંક સમયમાં છૂટાછેડા થવાના છે અને બીજી વાત મારા ભવિષ્યની છે તો મારે મારી કારકિર્દી પર ધ્યાન કેન્દ્રીત કરવાની જરૂર છે’.

જ્યારે તમે કોઈ વ્યક્તિને ઓનલાઈન મળો અને પછી રુબરુ મળો તો થોડો તફાવત તો જોવા મળે જ છે. આ વિશે જસલીને કહ્યું, ‘મારા કેસમાં આવું નથી થયું. મેં તેની એક ઈમેજ બનાવી હતી અને તે તેવો જ નીકળ્યો’.

જસલીને ખુલાસો કર્યો કે, ડો.અભિનિત પણ મ્યૂઝિક વીડિયોમાં જોવા મળશે. ‘હું ખતરો કે ખિલાડી અથવા નચ બલિયે જેવા શો કરવા માગુ છું. જો મને તક મળી તો ફિલ્મોમાં અને વેબ શોમાં પણ કામ કરીશ.’. જસલીન મથારુની અનુપ જલોટા સાથેની ફિલ્મ ‘વો મેરી સ્ટુડન્ટ હૈ’ કોવિડ-19ના કારણે ફસાઈ ગઈ છે.

જસલીન ભોપાલ ગઈ હતી તે વાત સાચી પરંતુ તે ડો.અભિનિત સાથે નહોતી રહેતી. ‘મારો ભાઈ પણ મારી સાથે હતો. પરંતુ હા લોકડાઉનના કારણે અમે ખૂબ ઓછા બહાર નીકળતા હતા. અમે મ્યૂઝિક વીડિયો અભિનિતના ફાર્મહાઉસ પર શૂટ કર્યો હતો’, તેમ જસલીને ખુશ થતાં જણાવ્યું હતું.

આ 7 વાતો ક્યારેય કોઈની સાથે શેર ન કરવી જોઈએ

from Page Array – I Am Gujarat https://ift.tt/39piSBN