ડોનાલ્ડ ટ્રમ્પે 20 જાન્યુઆરી, 2025 ના રોજ યુનાઇટેડ સ્ટેટ્સના 47મા રાષ્ટ્રપતિ તરીકે શપથ લીધા હતા. રાષ્ટ્રપતિ પદના શપથ લીધા બાદ પોતાના સંબોધનમાં ટ્રમ્પે કહ્યું કે આ ક્ષણથી અમેરિકાનો સુવર્ણ યુગ શરૂ થયો છે. તેમણે કહ્યું કે મારા કાર્યકાળ દરમિયાન, દરેક નિર્ણયમાં ‘અમેરિકા ફર્સ્ટ’ ની વિચારસરણી હશે. ટ્રમ્પે કહ્યું કે અમે અમારી સાર્વભૌમત્વ જાળવી રાખીશું. દુનિયાનો કોઈ પણ દેશ અમેરિકાનો દુરુપયોગ કરી શકશે નહીં. ટ્રમ્પના રાષ્ટ્રપતિ બનવા પર વિશ્વના નેતાઓએ તેમને અભિનંદન આપ્યા છે.
Congratulations my dear friend President @realDonaldTrump on your historic inauguration as the 47th President of the United States! I look forward to working closely together once again, to benefit both our countries, and to shape a better future for the world. Best wishes for a…
— Narendra Modi (@narendramodi) January 20, 2025
પીએમ મોદીએ અભિનંદન પાઠવ્યા
X પરની એક પોસ્ટમાં પીએમ મોદીએ લખ્યું, મારા પ્રિય મિત્ર રાષ્ટ્રપતિ ડોનાલ્ડ ટ્રમ્પ, યુનાઇટેડ સ્ટેટ્સ ઑફ અમેરિકાના 47મા રાષ્ટ્રપતિ તરીકે તમારા ઐતિહાસિક શપથગ્રહણ દિવસ પર અભિનંદન. હું ફરી એકવાર સાથે મળીને કામ કરવા આતુર છું જેથી આપણા બંને દેશોને ફાયદો થાય અને વિશ્વ માટે વધુ સારું ભવિષ્ય બને. તમારા આગામી સફળ કાર્યકાળ માટે શુભકામનાઓ.
યુનાઇટેડ કિંગડમના વડા પ્રધાન કીર સ્ટાર્મરે X પર એક પોસ્ટમાં લખ્યું, યુનાઇટેડ કિંગડમ વતી હું યુનાઇટેડ સ્ટેટ્સના 47મા રાષ્ટ્રપતિ તરીકે ડોનાલ્ડ ટ્રમ્પના શપથગ્રહણ દિવસે તેમને ખૂબ ખૂબ અભિનંદન પાઠવું છું. મને વિશ્વાસ છે કે યુકે અને યુએસ વચ્ચેના ખાસ સંબંધો આવનારા વર્ષો સુધી ખીલતા રહેશે.
યુક્રેનિયન રાષ્ટ્રપતિ ઝેલેન્સકીએ ટ્રમ્પને અભિનંદન આપતા લખ્યું, હું ટ્રમ્પ અને અમેરિકન લોકોને અમેરિકાના 47મા રાષ્ટ્રપતિ તરીકે અભિનંદન આપું છું. આજનો દિવસ પરિવર્તનનો દિવસ છે અને વૈશ્વિક પડકારો સહિત અનેક સમસ્યાઓના ઉકેલ માટે આશાનો દિવસ પણ છે.
from chitralekha https://ift.tt/0v5miVk
via
No comments:
Post a Comment