100 કરોડની ક્લબમાં શામેલ થઈ આયુષ્માનની ‘બધાઈ હો’

આયુષ્માનના કરિયરની સૌથી મોટી ફિલ્મ

આયુષ્માન ખુરાનાની ફિલ્મ ‘બધાઈ હો’ તેના કરિયરની અત્યાર સુધીની સૌથી મોટી હિટ સાબિત થઈ ગઈ છે. ફિલ્મને દર્શકો તરફથી જબરદસ્ત રિસ્પોન્સ મળી રહ્યો છે. ફિલ્મે 100 કરોડની ક્બલમાં એન્ટ્રી મેળવી લીધી છે. આની સાથે જ ‘બધાઈ હો’ આ વર્ષની 10મી સૌથી મોટી ફિલ્મ બની ગઈ છે.

ત્રીજા વીકમાં પણ પણ દમદાર પ્રદર્શન

ટ્રેડ એનાલિસ્ટ તરણ આદર્શે ફિલ્મની કમાણીના આંકડા ટ્વીટર પર શેર કર્યા છે. તરણે કહ્યું કે, રિલીઝના ત્રણ સપ્તાહ બાદ પણ ‘બધાઈ હો’ની કમાણી અટકવાનું નામ નથી લઈ રહી. ફિલ્મે રિલીઝના 17મા દિવસે 100 કરોડની કમાણી પૂરી કરી લીધી છે. ત્રીજા સપ્તાહના શુક્રવારે ફિલ્મે 2.35 કરોડનો બિઝનેસ કર્યો. શનિવારે ફિલ્મે 3.50 કરોડની કમાણી કરી અને કુલ કમાણીનો આંકડો 100.10 કરોડે પહોંચી ગયો.

#BadhaaiHo remains UNSHAKABLE and UNSTOPPABLE even in Week 3… Crosses ₹ cr on Day 17… [Week 3] Fri 2.35 cr, Sat 3.50 cr. Total: ₹ 100.10 cr. India biz.

— taran adarsh (@taran_adarsh) November 4, 2018

કન્ટેન્ટને પસંદ કરી રહ્યાં છે દર્શકો

તરણે વધુ એક ટ્વીટ કરતા ફિલ્મના કન્ટેન્ટના વખાણ કર્યા. તેણે કહ્યું કે, ફિલ્મની સફળતાને માત્ર 100 કરોડના બિઝનેસની રીતે ન જોવી જોઈએ. ‘બધાઈ હો’ સહિત ‘રાઝી’, ‘સ્ત્રી’ અને ‘સોનુ કે ટીટૂ કી સ્વિટી’ એવી ફિલ્મો છે જેણે સાબિત કરી દીધું છે કે, આજના સિનેમામાં સફળતા મેળવવા માટે દમદાર કન્ટેન્ટની જરૂર છે.

100 કરોડ કમાનારી વર્ષની 10મી ફિલ્મ

તરણે ટ્વીટ દ્વારા વર્ષની અત્યાર સુધીની સૌથી મોટી ફિલ્મોનું લિસ્ટ રજૂ કર્યું છે. આમાં, પદ્માવત, SKTKS, રેડ, બાગી 2, રાઝી, રેસ 3, સંજૂ, ગોલ્ડ, સ્ત્રી અને બધાઈ હો શામેલ છે. ઉલ્લેખનીય છે કે, આયુષ્માનની આ સતત બીજી હિટ ફિલ્મ છે. અગાઉ તેની ક્રાઈમ-થ્રિલર ‘અંધાધૂન’એ પણ બૉક્સ ઑફિસ પર શાનદાર દેખાવ કર્યો હતો. ફિલ્મે 60 કરોડની કમાણી કરી હતી.