દુનિયામાં સૌપ્રથમવાર આ દેશના પોલીસ કર્મચારીઓ વાપરશે ઉડતી બાઈક

દુબઈની પોલીસ ફોર્સ શરૂ કરશે ઉડતી બાઈકનો યુઝ

થોડા સમય પહેલા અમે તમને 1 કરોડ રૂપિયા હૉવર બાઈક વિશે માહિતી આપી હતી, જેમાં અમે તમને તેની બનાવટ અને વિવિધ ઉપયોગ વિશે જણાવ્યું હતું. હવે લાગી રહ્યું છે કે, દુબઈ પોલીસ દુનિયાની પહેલી ઑફિશિયલ સંસ્થા હશે જે આ ફ્લાઈંગ બાઈકનો ઉપયોગ કરશે. અત્યારે તે ટેસ્ટિંગ ફેઝમાં અને ટૂંક સમયમાં દુબઈના આકાશમાં ‘ઈલેક્ટ્રિક વર્ટિકલ ટેક-ઑફ એન્ડ લેન્ડિંગ’ (eVTOL) વ્હીકલ જોવા મળી શકે છે. રસપ્રદ વાત એ છે કે, આ પ્રકારની સર્વિલન્સ સિસ્ટમ દુનિયામાં હજુ કોઈએ શરૂ કરી નથી.

તાલીમ રહી રહ્યાં છે પોલીસ અધિકારીઓ

હૉવરસર્ફે દુબઈ પોલીસ સાથે અગાઉ 2017માં કરાર કરી લીધો છે અને હવે કંપનીએ તેની ડિલિવરીનું કામ શરૂ કરી દીધું છે. કંપની પોતાના પહેલા સીરિયલ યુનિટ સીરીઝ 3ની બાઈકની ડિલિવરીનું કામ 2019 સુધીમાં પૂરું કરી દેશે. આ દરમિયાન કંપનીએ દુબઈ પોલીસ ઑફિસર્સને હૉવરબાઈક ચલાવવાની તાલીમ આપવાનું શરૂ કરી દીધું છે.

2020માં શરૂ કરી દેશે ઉપયોગ

ટ્રેનિંગ બાદ, પોલીસ વિભાગ હૉવરબાઈકને 2020માં વહેલામાં વહેલી તકે શરૂ કરવા માગે છે. અત્યારે પોલીસ ફોર્સના બે જૂથો ટ્રેનિંગ લઈ રહ્યાં છે. દુબઈ પોલીસના આર્ટિફિશિય ઈન્ટેલિજન્સ વિભાગના જનરલ ડિરેક્ટર બ્રિગેડિયર ખાલિદ નાસિર અલરાઝૂકીએ એક ઈન્ટરવ્યૂમાં કહ્યું કે, ‘એકવાર eVTOL યૂનિટ સેટ થઈ જશે પછી અમારું લક્ષ્યાંક હાર્ડ એક્સેસ એરિયામાં પહોંચવાનું હશે.’

જોઈએ તેટલી બાઈક મંગાવવાના અધિકાર

હૉવરસર્ફના ચીફ ઑપરેટિંગ ઑફિસર જૉસેફ સેગુરા-કોને કહ્યું કે, દુબઈ પોલીસ ફોર્સ પાસે જેટલા જોઈએ તેટલા યૂનિટ મંગાવવાના અધિકાર છે. તેમણે કહ્યું કે, ‘તેઓ અમને એક-બે મહિનામાં જવાબ આપશે અને જો તેમને 30થી40 યુનિટની જરૂર હશે તો અમે બનાવી આપીશું.’

ભારતમાં ક્યારે આવશે અને શું હશે કિંમત

હૉવરબાઈક નાગરિકો માટે વેચાણમાં મૂકવામાં આવશે. જોકે, તેના માટે તમારી પાસે એક કરોડ રૂપિયા હોવા જોઈએ. આ હૉવરબાઈકની અમેરિકાની કિંમત છે. જો ભારતમાં હૉવરબાઈક લાવવાનું વિચારતા હોય તો પહેલા આ કિંમતમાં તમારે એક્સટ્રા કસ્ટમ ડ્યૂટી પણ ગણવી પડશે જ્યારબાદ તેની કિંમમત સ્કાયરૉકેટ જેટલી થઈ શકે છે. આ ઉપરાંત તમારે આ પ્રકારના વાહન ઉડાવવા માટેની ગાઈડલાઈન્સને પણ વાંચવી પડશે. અમેરિકામાં હૉવરબાઈકને પાઈલોટ લાયસન્સ વિના પણ ઉડાડી શકાય છે.