થઈ ગયા લગ્ન, પતિ-પત્ની બની ગયા દીપિકા-રણવીર

ફાઈનલી બાજીરાવની થઈ ગઈ મસ્તાની

આખરે દીપિકા પાદુકોણ અને રણવીર સિંહની લાઈફમાં ખુશીની એ ક્ષણ આખરે આવી જ ગઈ જેની લાંબા સમયથી આતુરતા હતી. અહેવાલ અનુસાર બંને લગ્નના બંધનમાં બંધાઈ ચૂક્યા છે. કપલે આજે એટલે કે, 14 નવેમ્બરે કોંકલી રીત-રિવાજ અનુસાર લગ્ન કરી લીધા છે. રિપોર્ટ્સ અનુસાર લગ્ન મુહૂર્ત પ્રમાણે સવારે 7 વાગ્યાથી શરૂ થઈ હતી.

અમારા ન્યૂઝ Whatsapp પર મેળવવા માટે ક્લિક કરો

બહાર નથી આવી એક પણ તસવીર

ANIએ ટ્વીટ કરીને જાણકારી આપી છે કે, બોલિવૂડની સૌથી પોપ્યુલર જોડી દીપિકા અને રણવીર લગ્નના બંધનમાં બંધાઈ ચૂક્યા છે. જોકે, હજુ સુધી આ ઈવેન્ટની એક પણ તસવીર મીડિયા તથા સોશિયલ સાઈટ સુધી પહોંચી શકી નથી.

આવતીકાલે પણ કરશે લગ્ન

જણાવી દઈએ કે, દીપિકા અને રણવીર આવતીકાલે પણ લગ્ન કરશે અને તે સિંધી રિવાજ અનુસાર રહેશે, જે રણવીરના પરિવારવાળાઓના રિત-રિવાજ સાથે જોડાયેલા હશે.

ફેન્સને તસવીરોની આતુરતા

ઉલ્લેખનીય છે કે, છેલ્લા ઘણા સમયથી બંનેના લગ્ન માટે તેમના ફેન્સમાં આતુરતા જોવા મળી રહી હતી. હવે જ્યારે લગ્ન થઈ ચૂક્યા છે તો તેઓ આ જોડીની તસવીરો જોવા માટે એક્સાઈટેડ છે.

ખાસ હશે દીપવીરના ડ્રેસ

અગાઉ રિપોર્ટ અનુસાર, બુધવારે એટલે કે, આજે યોજાનારા લગ્નમાં દીપિકા સાડી પહેરશે તેવુ કહેવાઈ રહ્યું હતું. બીજી તરફ આવતીકાલે યોજાના લગ્નમાં દીપિકા લહેંગા પહેરશે. આ લહેંગાનો રંગ લાલ હશે જેમાં ખૂબ બારીકાઈથી કામ કરાયેલું છે. દીપિકા રીગલ જડાઉ નેકલેસ કેરી કરશે. બીજી તરફ દુલ્હા રણવીરની વાત કરીએ તો તેણે લગ્ન માટે કાંજીવરમ શેરવાની પસંદ કરી છે. તેના પર પણ ખૂબ બારીકાઈથી કામ કરવામાં આવ્યું છે. રિપોર્ટ્સ અનુસાર માત્ર વર અને કન્યા જ નહીં, પરિવારના ખાસ સભ્યો માટે પણ સબ્યસાચીએ ડ્રેસ ડિઝાઈન કર્યા છે.

21મીએ બેંગાલુરુ, 28મીએ મુંબઈમાં પાર્ટી

લગ્ન બાદ દીપવીર 21 નવેમ્બરે બેંગલુરુ અને 28 નવેમ્બરે મુંબઈમાં રિસેપ્શન પાર્ટી આપશે. ખાસ વાત એ છે કે, દીપિકા-રણવીર ગિફ્ટ્સ નહીં સ્વીકારે. બંનેએ પોતાના રિસેપ્શનના ઈન્વિટેશન કાર્ડ દ્વારા મહેમાનોને અપીલ કરી છે કે, તેઓ જે પણ ગિફ્ટ આપવા માગે છે તે એક સંસ્થાને ચેરિટી માટે ડોનેટ કરી દે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2FyADUf