ડેટાનો વપરાશ વધતાં ડિજિટલ જાહેરાતોના ભાવ આસમાને

66619152

ગૌરવ લઘાટે/અનુમેહા ચતુર્વેદી

મુંબઈ/નવી દિલ્હી:આલ્ફાબેટ (પહેલાંની ગૂગલ)ના વિડિયો-શેરિંગ પ્લેટફોર્મ YouTubeના હાઈ-ઇમ્પેક્ટ ફિક્સ્ડ હોમપેજ પર એક દિવસની જાહેરાતનો ભાવ જાન્યુઆરી 2019માં ₹70 લાખ હતો, જે હવે બમણો એટલે કે ₹1.4 કરોડ થઈ ગયો છે એવી માહિતી YouTube દ્વારા વિવિધ મીડિયા એજન્સીને મોકલવામાં આવેલા પત્ર પરથી મળે છે.

ડિજિટલ ખર્ચના રિટર્ન ઓન ઇન્વેસ્ટમેન્ટ (RoI)ને લઈને મીડિયા નિષ્ણાતો અલગ-અલગ મત ધરાવે છે ત્યારે મીડિયા એજન્સીઓનું કહેવું છે કે, 2019માં પણ ફેસબૂક, ટ્વિટર અને ઇન્સ્ટાગ્રામ જેવા ડિજિટલ પ્લેટફોર્મ પર જાહેરાતના ભાવમાં 20-30 ટકા વધારો થવાનું ચાલુ રહેશે.

વેબસાઇટનો ઉપયોગ કરવાનું પ્રમાણ લોકોમાં ‌વધી રહ્યું છે, જેથી આ ભાવ વધશે એમ વિવિધ મીડિયા એજન્સીએ ઇકોનોમિક ટાઇમ્સ સાથેની વાતચીતમાં જણાવ્યું હતું. તેમના મતે ડિજિટલ મીડિયાનો ગ્રોથ રેટ આવતાં ત્રણ વર્ષમાં 30 ટકા જેટલો ઊંચો રહેશે. ગયા વર્ષે ડિજિટલ માધ્યમ દ્વારા જાહેરાતો માટે થતા ખર્ચનો આંકડો ₹11,000 કરોડને સ્પર્શી ગયો હતો અને 2018ના અંત સુધીમાં તે ₹14,500 કરોડે પહોંચી જવાની ધારણા છે.

2017માં એકંદર ડિજિટલ એડ્વર્ટાઇઝિંગ અંદાજે ₹11,000 કરોડનું હતું જેમાં ગગૂલનો હિસ્સો લગભગ ₹6,500 કરોડ, ફેસબૂકનો ₹2,500કરોડ અને અન્યનો હિસ્સો
₹2,000 કરોડ હતો. 2018માં ગૂગલ ₹8,000 કરોડ અને ફેસબૂક ₹3,500 કરોડ જેટલી જાહેરાતો મેળવે તેવી જ્યારે અન્ય કંપનીઓ ₹3,000 કરોડ જેટલી જાહેરાતો મેળવે તેવી શક્યતા છે.” એમ IPG મીડિયાબ્રાન્ડ્સની ડિજિટલ એજન્સી ઇન્ટરેક્ટિવ એવેન્યુસના CEO અમરદીપ સિંઘે જણાવ્યું હતું.

ઉદ્યોગજગતના અંદાજ પ્રમાણે, એક અબજ ઇમ્પ્રેશન (કેટલા વ્યૂ મળ્યા તેની કુલ સંખ્યા) હાંસલ કરવાના બેઝિક ડિજિટલ મીડિયા કેમ્પેઇનનો ખર્ચ અત્યારે ₹3 કરોડની
આસપાસ છે. આજના જમાનામાં મીડિયાનાં વિવિધ માધ્યમોમાં ડિજિટલ માધ્યમ ઘણું મહત્ત્વનું બની ગયું છે અને તેના દ્વારા પડતી ઇમ્પેક્ટ પણ અસરકારક થઈ રહી છે એટલે કંપનીઓ ભાવ તો વધારશે જ એમ મીડિયા એજન્સીઓના એક્ઝિક્યુટિવ્સે જણાવ્યું હતું.

રિલાયન્સ જીઓના પ્રવેશ બાદ ડેટાના ભાવમાં નોંધપાત્ર ઘટાડો થયો હોવાથી આજે ઇન્ટરનેટ પર 40-50 કરોડ લોકોનું માર્કેટ છે. ડેટાનો વપરાશ વધી રહ્યો છે અને વધુ લોકો જોડાઈ રહ્યા છે એટલે તેની અસર જાહેરાતોના ભાવમાં પણ જોવા મળશે.” એમ ડેન્ત્સુ એજિસ નેટવર્કના CEO (સાઉથ એશિયા) આશિષ ભસિને જણાવ્યું હતું.

ચાલુ વર્ષે ભારતમાં સ્નેપચેટને બાદ કરતાં અન્ય તમામ પ્લેટફોર્મના મન્થલી એક્ટિવ યુઝર (MAUs) માં વૃદ્ધિ થઈ છે. યુટ્યૂબે ૨૫ કરોડ MAUs, ફેસબૂકે 22 કરોડ, ઇન્સ્ટાગ્રામે 6.8 કરોડ હાંસલ કર્યા છે જ્યારે ટ્વિટરના MAUsની સંખ્યા 3.04 કરોડે પહોંચી છે.

]]>

from Page Array – I Am Gujarat https://ift.tt/2TdrDqm