‘ભાજપે સૌપ્રથમ અમિત શાહનું નામ બદલવું જોઈએ’

કારણકે શાહ શબ્દ એ મૂળ ફારસી શબ્દ છે

વિવિધ રાજ્યોમાં ભાજપા સરકાર દ્વારા જે રીતે નામ બદલવાની ગતિવિધિઓ ચાલી રહી છે તે જોતા દેશના જાણીતા ઈતિહાસકાર ઈરફાન હબીબે કહ્યું કે ભાજપાએ સૌપ્રથમ તેમના રાષ્ટ્રીય અધ્યક્ષ અમિત શાહનું નામ બદલવું જોઈએ કારણકે શાહ શબ્દ એ મૂળ ફારસી શબ્દ છે, તે ગુજરાતી શબ્દ નથી.

અમારા ન્યૂઝ Whatsapp પર મેળવવા અહીં ક્લિક કરો

ગુજરાત શબ્દ પણ ફારસી ભાષામાંથી જ આવ્યો છે

આ સિવાય પ્રોફેસર ઈરફાન હબીબે કહ્યું કે ગુજરાત નામનો શબ્દ પણ ફારસી ભાષામાંથી જ આવ્યો છે, આ પહેલાં તેને ગુર્જરાત્ર કહેવામાં આવતું હતું માટે હવે ગુજરાત શબ્દ પણ બદલાવો જોઈએ. હબીબે કહ્યું કે ભાજપા અને દક્ષિણપંથી સમર્થકો તે તમામ ચીજવસ્તુઓ બદલવા માગે છે જે હિંદુ સાથે જોડાયેલી નથી અને ખાસ કે જે ઈસ્લામ મૂળની છે.

નામ બદલવાનું અભિયાન RSS પ્રેરિત

પ્રોફેસર હબીબે કહ્યું કે તેઓ માને છે કે આગ્રા શબ્દ સૌપ્રથમ 15મી શતાબ્દી આસપાસ જોવા મળ્યો હતો, તે સમયે દિલ્હીમાં લોદીનું શાસન હતું અને આ અગાઉ આ સમગ્ર વિસ્તારને ગંગા-જમુનાની વચ્ચેના દોઆબ તરીકે ઓળખવામાં આવતો હતો. સાથે જ ઈરફાન હબીબે એવું પણ કહ્યું કે ભાજપાનું નામ બદલવાનું અભિયાન રાષ્ટ્રીય સ્વયંસેવક સંઘની હિન્દુત્વની નીતિ પર આધારિત છે.

from Page Array – I Am Gujarat https://ift.tt/2yYK1dZ