કાળીચૌદશના દિવસે ઘરમાં આ જગ્યાએ રાખો ઇલાયચી, થઈ જશો માલામાલ

કાળીચૌદશના દિવસે કરો આ ઉપાય

દિવાળીના પ્રકાશપર્વની શરુઆત થઈ ચૂકી છે. આવતીકાલે 6 નવેમ્બરના રોજ કાળીચૌદશ છે. ધનતેરસના દિવસે જેમ સોનું ખરીદવાની પરંપરા છે તેવી જ રીતે કાળીચૌદશનો દિવસ તાંત્રિકની સાધનાનો દિવસ પણ કહેવાય છે. એવું કહેવાય છે કે આ દિવસે નેગેટિવ ઉર્જા અને ચૈતસિક શક્તિઓ ખુલ્લી ફરતી હોય છે. જોકે, ઘરમાં રહેલી એક સામાન્ય ઇલાયચીના ઉપાયથી આ ખાસ દિવસે નેગેટિવ ઉર્જા દૂર કરી લક્ષ્મીજીની કૃપા મેળવી શકો છો.
અમારા ન્યૂઝ Whatsapp પર મેળવવા અહીં ક્લિક કરો

કાળી ચૌદશનું મહત્વ

કાળી ચૌદશનો અર્થ દુષ્ટતા પર સારપની જીત એવો થાય છે. આ દિવસે મહાકાળીની પૂજા કરવામાં આવે છે. આ દિવસે આળસ અને બુરાઈને જિંદગીમાંથી દૂર કરીને પ્રકાશ ફેલાય તેવી ઈચ્છા કરવામાં આવે છે. કાળી ચૌદશના દિવસે યમની પણ પૂજા કરવામાં આવે છે. એવું માનવામાં આવે છે કે આ દિવસે રાતના ઘરની બહાર દિવા રાખવાથી યમરાજ પ્રસન્ન થાય છે અને અકાળ મૃત્યુનો ભય દૂર થાય છે.

કરો આ સરળ ઉપાય

કાળીચૌદશના દિવસે એક ઇલાયચી લો. પરંતુ તમારે એ વાતનું ધ્યાન રાખવું જોઈએ કે આ ઇલાયચી સૂકી ન હોવી જોઈએ. આ ઇલાયચી લઈને ઘરનાં પૂજાઘરની સામે બેસો. હવે સરસવના તેલનો દિવો કરો. આ દિવો કરીને યમરાજને યાદ કરો. આ પછી ‘ઓમ હ્રીં હ્રીં શ્રીં શ્રીં લક્ષ્મી વાસુદેવાય નમઃ’નો 21 વાર જાપ કરો.

મંત્ર જાપ કરતાં રાખો ધ્યાન

આ મંત્રનો જાપ કરતાં સમયે કોઈ અવરોધ ન આવે તેનું ખાસ ધ્યાન રાખવું. આ પછી ઇલાયચીની સામે જે પરેશાની હોય તે કહેવી. આ પછી ઇલાયચીને દિવા પરથી 21 વાર ઊંધી ફેરવીને (એન્ટી ક્લોક) ફેરવીને તમે જે રુમમાં સૂતાં હોવ તે તકિયાની નીચે એક કાગળમાં લપેટીને રાખી દેવી જોઈએ.

અંધારુ થયા પછી કરવો ઉપાય

આ પછી દિવાળીના દિવસે કાગળને નીકાળો. પરંતુ તમારે એ કાગળને ખોલવાનું નથી. બહાર જઈને કોઈપણ ઝાડની નીચે આ કાગળને દાટી દો. જો એ ઝાડ પીપળાનું હોય તો અતિ ઉત્તમ. આ ઇલાયચી તમારી પર રહેલી કોઈ ખરાબ નજરને બચાવવામાં મદદ કરે છે. જેથી તમારો આવનારો સમય સારો રહેશે. કાળી ચૌદશના દિવસે કરવામાં આવતો આ સૌથી પ્રભાવશાળી અને સરળ ઉપાય છે. પરંતુ તમારે એ વાતનું ખાસ ધ્યાન રાખવું કે આ ઉપાયને સાંજે સંધ્યા સમય પછી અથવા અંધારુ થયાં પછી કરવો જોઈએ.

from Dharma Adhyatma News in Gujarati: Latest Dharma Adhyatma News, Read Breaking Dharma Adhyatma News on Iamgujarat.com – Page Array – I Am Gujarat https://ift.tt/2yRUnMr