IND vs WI T20: કૃણાલ પંડ્યાના ડેબ્યુ મેચ પર હાર્દિકે કંઈક આવી રીતે આપી શુભેચ્છા

બે ખેલાડીઓએ કર્યું ડેબ્યુ

નવી દિલ્હીઃ પંડ્યા બ્રર્ધસ એટલે કે હાર્દિક પંડ્યા અને કૃણાલ પંડ્યા માટે આજનો ખૂબ મહત્ત્વ ધરાવે છે. જોકે, હાર્દિક પંડ્યાએ તો ઘણા સમય પહેલા ભારતીય ટીમ માટે બ્લુજર્સી પહેરી લીધઈ હતી. હવે મોટાભાઈ કૃણાલનું સપનું રવિવારે વેસ્ટ ઈન્ડિઝ સામેની મેચમાં પૂર્ણ થયું હતું. કોલકાત્તામાં પ્રથમ ટી-20 મેચ માટે કૃણાલની ટીમમાં પસંદગી કરવામાં આવી હતી. આ તેની પ્રથમ ટી-20 ઈન્ટરનેશનલ મેચ છે. આ સિવાય બીજા એક ખેલાડી ખલીલ અહમદે પણ ડેબ્યુ કર્યું છે.
અમારા ન્યૂઝ Whatsapp પર મેળવવા માટે અહીં ક્લિક કરો

હાર્દિકે કહ્યું કંઈ આવું

This is what we've dreamed of big bro @krunalpandya24 pic.twitter.com/aY6P1jfAwd

— hardik pandya (@hardikpandya7) November 4, 2018

આ વાતથી ખુશ થઈને હાર્દિક પંડ્યાએ ટ્વિટર પર એક વીડિયો શેર કર્યો હતો અને મોટાભાઈને શુભેચ્છા આપી હતી. આ વીડિયોમાંથી કહ્યું હતું કે, વેલ ડન બોય…આપણે આ સપનું જોયું હતું જેને તમે સાકાર કર્યું છે. હું ત્યાં નથી પણ તમારાથી ખુશ છું. મારા તરફથી ખૂબ ખૂબ શુભેચ્છાઓ. આગળ વધો અને પડકારનો સામનો કરો. કૃણાલ પંડ્યાએ ટી20 કેરિયરમાં પહેલો શિકાર કાયરન પોલાર્ડને બનાવ્યો હતો. જ્યારે બીજા બોલ પર તેણે પોલાર્ડને શિકાર બનાવી મનિષ પાંડેના કેચથી સફળતા મેળવી હતી. સૌથી ખાસ વાત એ છે કે, પોલાર્ડ અને કૃણાલ બંને આઈપીએલ મુંબઈ ઈન્ડિયન્સ ટીમમાં એક સાથે હતા.

બેટિંગ અને બોલિંગ બંનેમાં છે સક્ષમ

તા. 24 માર્ચ 1991ના રોજ અમદાવાદમાં જન્મેલા કૃણાલ ઈન્ડિયન પ્રીમિયર લીગ ટુર્નામેન્ટમાં મુંબઈ ઈન્ડિયન અને હોમ સીરિઝમાં વડોદરા તરફથી જોરદાર પ્રદર્શન કર્યું હતું. જેના કારણે તેને ઈન્ટરનેશનલ લેવલે ભારતીય ટીમમાં રમવાની તક મળી હતી. તે બોલિંગ અને બેટિંગ બંનેમાં સક્ષમ છે. હાર્દિક પંડ્યા ઈજાગ્રસ્ત હોવાને કારણે ભારતીય ટીમમાંથી બાહર છે. હાર્દિકે ભારત માટે 35 ઈન્ટરનેશનલ ટી-20 મેચ રમી છે. આ દરમિયાન તેના નામે 271 રન અને 33 વિકેટનો રેકોર્ડ છે.