IndVsWin પ્રથમ ટી20 : ભારતનો 5 વિકેટે સરળ વિજય

ભારતનો આસાન વિજય, સીરીઝમાં 1-0થી આગળ

કોલકાતાના ઈનડ ગાર્ડન્સ ખાતે રમાયેલી પ્રથમ ટી20 મેચમાં ભારતે વિન્ડીઝને પાંચ વિકેટે પરાજય આપી ત્રણ મેચોની સીરીઝમાં 1-0ની સરસાઈ મેળવી લીધી છે. 110 રનના આસાન ટાર્ગેટનો પીછો કરતા ભારતે 17.5 ઓવર્સમાં 5 વિકેટ ગુમાવી જીત મેળવી લીધી હતી. ભારત તરફથી દિનેશ કાર્તિક સૌથી વધુ 31 તથા કૃણાલ પંડ્યા 21 રન બનાવી અણનમ રહ્યાં હતા.

અમારા ન્યૂઝ Whatsapp પર મેળવવા અહીં ક્લિક કરો

20 ઓવર્સમાં 109 રન જ બનાવી શકી વિન્ડીઝ

અગાઉ વિરાટ કોહલીની ગેરહાજરીમાં ટીમની કેપ્ટનશિપ કરી રહેલા રોહિત શર્માએ ટૉસ જીતીને પ્રથમ ફિલ્ડીંગ કરવાનો નિર્ણય લીધો હતો. બોલર્સે પોતાના કેપ્ટનના વિશ્વાસને સાચો સાબિત કરતા વિન્ડીઝની ટીમને 20 ઓવર્સમાં 8 વિકેટે 109 રન સુધી જ મર્યાદિત કરી દીધી હતી. ભારત તરફથી કુલદીપ યાદવે સૌથી વધુ ત્રણ વિકેટ ઝડપી હતી. ઉમેશ, ખલીલ, બુમરાહ અને કુણાલ પંડ્યાને 1-1 વિકેટ મળી હતી. વિન્ડીઝ તરફથી કીમો પૉલે સૌથી વધુ 27 રન બનાવ્યા હતા.

ખરાબ શરૂઆત બાદ કાર્તિક-કૃણાલે અપાવી જીત

અગાઉ 110 રનના આસાન લક્ષ્ચાંકનો પીછો કરવા ઉતરેલી ભારતીય ટીમની શરૂઆત ખૂબ જ ખરાબ રહી હતી. વન-ડે સીરીઝની જેમ શિખર ધવન(3) અહીં પણ નિષ્ફળ રહ્યો હતો. બાદમાં કેપ્ટન રોહિત શર્મા (6) અને ઋષભ પંત(1) અને લોકેશ રાહુલ (16) પણ સસ્તામાં આઉટ થઈ જતા ભારત ભીંસમાં આવી ગયું હતું. જોકે, મનીષ પાંડે (19) અને દિનેશ કાર્તિકે પાંચમી વિકેટ માટે 38 રનની મહત્વની ભાગીદારી ભજવી ટીમને જીત નજીક પહોંચાડી દીધી હતી. બાદમાં ટી20 ડેબ્યૂ કરી રહેલા કૃણાલ પંડ્યાએ (9 બોલમાં 21 રન) વિસ્ફોટક ઈનિંગ રમતા ટીમને જીત અપાવી દીધી હતી.

 

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2yRddDw