ગૂગલની કરોડો રુપિયાની જોબ નકારી 10 વર્ષની છોકરીએ શરુ કરી પોતાની કંપની

10 વર્ષની ઉંમરની ભારતીય છોકરીની ફેન છે ગૂગલ કંપની

આપણે 10 વર્ષના હોઈએ ત્યારે શું કરીએ, કંઈ જ નહીં. મોટાભાગના આ ઊંમરના છોકરા કાર્ટૂન્સ જોતા હોય કે પછી વીડિયો ગેમ્સ રમતા હોય પરંતુ સમિરા મેહતા આ બધાથી અલગ છે. તેની દુનિયા જ કોમ્પ્યુટર છે. એટલે જ આટલી નાની ઊંમર માં તે આજે દુનિયા આખીના પ્રોગ્રામર્સને પોતાના ફેન બનાવી રહી છે.

ગૂગલની ઓફર ઠુકરાવી પોતાની કંપની ચલાવે છે

જ્યાં સુધી મોટાભાગના લોકોને ખબર પડે છે કે તેમને શું કરવું છે ત્યાં સુધીમાં તો તેઓ 200-25 પહોંચી જાય છે અને તેમાં પણ બિઝનેસ કરવાનો વિચાર તો 30 પછી જ આવે છે. ત્યારે સમિરાએ 10 વર્ષની ઉમરે પોતાની કંપની ખોલી લીધી છે, ‘કોડર બનીઝ’

નાના બાળકો માટે ગેમ ફોરમેટમાં કોડિંગ

આ કંપની એક એવું પ્લેટફોર્મ છે જે નાના છોકરાઓને ગેમ ફોરમેટમાં કોડિંગ કરતા શીખડાવે છે. આજકાલના સમયમાં આ ખૂબ જ પોપ્યુલર ટ્રેન્ડ છે. ઘણી કંપનીઓ આવી ગેમ લઈ આવી છે જે બાળકોમાં લેંગવેજ લર્નિંગ, કોડિંગ, કુકિંગ જેવી સ્કિલ વિકસાવવામાં મદદ કરે છે.

પિતા છે ઇન્ટેલમાં એન્જિનિયર

જોકે આવા બાળકો જુઓ ત્યારે તમને પહેલો વિચાર આવે કે તેના માતા-પિતા જરુર આમાં સપોર્ટ કરતા હશે પરંતુ સમિરાના પિતાતો તેનાથી પણ બે ડગલા આગળ છે. તેઓ ઇન્ટેલ કંપનીમાં એન્જિનિયર તરીકે જોબ કરે છે. પોતે કોમ્પ્યુટર સાયન્સના વિષયમાં જ કામ કરતા હોઈ દીકરીને જરુરી તમામ ટેક્નિકલ સપોર્ટ તેના પ્રોજેક્ટ પૂર કરવામાં મદદ કરે છે. નજીકના ભવિષ્યમાં તેઓ એક ગેમ લોન્ચ કરવાની તૈયારી કરી રહ્યા છે.

10 વર્ષની બાળકીએ કઈ રીતે ગેમ ડિઝાઇન કરી

કોમ્પ્યુટર ગેમ ડીઝાઇન્ડ કરવી સહેલું નથી. કલાકો આ ગેમની પાછળ મહેનત કરવી પડે છે અને તૈયાર થઈ ગયા બાદ ડ્રાય રન દ્વારા તેમાં રહેલી બગ્સ શોધીને ફિક્સ કરવાનું કામ પણ ખૂબ જ અઘરું છે. પરંતુ સમિરા અંતે તો બાળક જ છે ને તેણે આ અઘરા કામને પણ સહેલું બનાવી દીધું. તે પોતાના ફ્રેન્ડ્સને ગેમ રમવા માટે ઘરે આવવા આમંત્રણ આપતી હતી. તેમની સાથે આ ગેમ રમતી અને તે દરમિયાન તેને ખ્યાલ આવી જતો કે ક્યાં શું ખામી છે. જેથી ફન સાથે લર્નનું કામ થતું હતું.

ફન વર્કશોપ

સમિરા સિલિકોન વેલીમાં રહેતા અન્ય બાળકો માટે થોડા થોડા સમયે ફન વર્કશોપ યોજતી રહે છે. જેમાં દરેક ઈવેન્ટમાં લગભગ 2000 જેટલા બાળકો જોડાય છે. 10 વર્ષની બાળકી માટે આ એક ખૂબ મોટી વાત છે. કેમ કે ઘણા મોટા લોકો અને પ્રસિદ્ધ લોકો પણ દર વખતે એટલું સરસ રીતે વર્કશોપ કરી શકતા નથી. સમિરાએ આ ફન વર્કશોપ દરમિયાન 1000 જેટલા પોતાની ગેમ્સના બોક્સ વેચીને રુ. 35000 ડૉલર ભેગા પણ કરી લીધા છે. જો આમ જ રહ્યું તો તે 20 વર્ષની થશે ત્યાં સુધીમાં નિવૃત્તિ લઈ શકે તેટલા રુપિયા તો તેની પાસે જમા જ થઈ ગયા હશે કે પોતે 20 વર્ષની થાય ત્યારે જ કામમાંથી નિવૃત્તિ લઈ લે.

ગૂગલની ઓફર પણ નકારી

આમ તો ગૂગલમાં જોબ મેળવવા માટે ઘણા ખૂબ મહેનત કરતા હોય છે. ફક્ત તેના ઇન્ટર્વ્યુ સુધી પહોંચવું પણ ખૂબ જ લક્કી માણસો માટે જ શક્ય બની છે ત્યારે સમિરા જેવા ટેલેન્ડેટ પર્સન માટે ગૂગલ પોતાના દરવાજા સામેથી ખોલે છે. પરંતુ તેણે એમ કહીને ના પાડી દીધી કે પોતાના માટે કામ કરવામાં તેને વધારે મજા આવે છે અને ગૂગલની જોબ માટે મારી પોતાની આંત્રપ્રેન્યોરશિપ જતી કરવા તૈયાર નથી.

from Page Array – I Am Gujarat https://ift.tt/2QG1SjI