આવી સ્માર્ટવૉચ પહેરતા હોવ તો ચેતી જજો, પ્રાયવેસી સામે છે જોખમ

ફેશનનો ભાગ બનતા ડીવાઈસ

એક્ટિવિટી ટ્રેકર અને સ્માર્ટવૉચ જેવા ડીવાઈસ આજકાલ ફીટનેસ પ્રેમીઓની પ્રથમ પસંદ બની ગયા છે. દિવસભર કેટલા સ્ટેપ, કેટલી કેલેરી જેવી હેલ્થ સંબંધી એક્ટિવિટીની જાણકારી રાખતા એપ્લિકેશન ડીવાઈસ આજે ફેશનનો પણ એક ભાગ બનતા જાય છે. પરંતુ, આવા ડીવાઈસ પ્રાયવેસી સામે જોખમ ઊભુ કરી શકે છે. જાણીએ એક રિપોર્ટ પરથી

અમારા ન્યૂઝ WhatsApp પર મેળવવા માટે અહીં ક્લિક કરો

શું છે જોખમ?

મૂળ ભારતીય એક સંશોધકે જણાવ્યું હતું કે, આ ડીવાઈસ માટે આર્ટિફિશિયલ ઈન્ટેલિજન્સનો ઉપયોગ કરવામાં આવે છે. જે સરળતાથી યૂઝર્સનો ડેટા ચોરીને બીજાને મોકલી શકે છે. જોકે, આ પ્રકારના ડીવાઈસ બનાવતી કંપનીઓ ડેટા પ્રાઈવેસીના દાવા કરી રહી છે. પણ તેની કોઈ ગેરેન્ટી નથી. નિષ્ણાંતોએ એવો પણ દાવો કર્યો હતો કે, એક્ટિવિટી ટ્રેકર અને સ્માર્ટવૉચમાં ઉપયોગમાં લેવાતી AI ટેકનોલોજી ડેટા સ્ટોર કરી લે છે જેને સરળતાથી હેક કરી શકાય છે.

કંપનીઓ ખરીદી છે હેલ્થ સંબંધીત ડેટા

ઘણી બધી કંપનીઓ છે જે લોકોના હેલ્થના ડેટાને ખરીદે છે. આવી કંપનીઓનું કામ એજન્સીઓ જેવું હોય છે જે હેલ્થના ડેટા ભેગો કરીને બીજી કંપનીને વેચી દે છે. આ રીતે પ્રાઈવેસી સામે જોખમ રહેલું છે. પણ જો હેલ્થ સંબંધીત ડેટા કોઈ ત્રીજી વ્યક્તિ સુધી પહોંચી જાય છે ત્યારે મુશ્કેલીઓ ઊભી થાય છે. હાલમાં ડેટાની સુરક્ષાને લઈને કોઈ ચોક્કસ કાયદાઓ કે નિયમો નથી ત્યારે આવા સંજોગોમાં લીક થતા ડેટા સમસ્યા નોતરી શકે છે.

 

from Page Array – I Am Gujarat http://bit.ly/2GZxjlz