છી! આટલું ગંદુ છે સાબરમતીનું પાણી, જાણીને આઘાત લાગશે

ઝેર સમાન પાણીઃ

અમદાવાદઃ સાબરમતી નદીનું પાણી ઝેર સમાન થઈ ગયું છે. સુપ્રીમ કોર્ટના ડરથી રાજ્યના પોલ્યુશન કંટ્રોલ બોર્ડે સાબરમતી નદીનું પાણી ટેસ્ટ કર્યું હતું. અમદાવાદથી 21 કિ.મી સુધીના વહેણમાંથી લેવાયેલા સેમ્પલમાં માલૂમ પડ્યું છે કે સાબરમતી નદીમાં પ્રદૂષકોની નિયત માત્રા કરતા સેંકડો ગણા વધારે પ્રદૂષકો છે. નદીનું પાણી હવે પાણી નહિ પણ કેમિકલ્સ અને દવાથી પણ ન મરતા જીવાણુઓનું ઘર બની ગયું છે. તેમાં ઓક્સિજન લેવલ એટલું ઓછું છે કે પાણીના જીવોનું તેમાં રહેવુ મુશ્કેલ થઈ ગયું છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

આઘાતજનક પરિણામ મળ્યાઃ

બુધવારે ગુજરાત પોલ્યુશન કંટ્રોલ બોર્ડ (GPCB), એન્વાયરમેન્ટ એન્જિનિયર્સ અને એક્ટિવિસ્ટોએ સાથે લીધેલા નમૂનાના પરિણામ દર્શાવાયા હતા જેમાં સાબરમતીનું ભયજનક ચિત્ર ઉપસ્યું હતું. પિરાણા સુએજ ડિસ્ચાર્જ પાસે બાયોલોજિકલ ઓક્સિજન ડિમાન્ડ (BOD)ના માપદંડ કરતા તેની માત્રા 7.2 ગણી વધારે હતી. દાણી લીમડા સ્ટોર્મ વોટર ડિસ્ચાર્જમાં BOD 17.6 ગણું વધારે હતું. ડિસ્ચાર્જ પોઈન્ટ પર GPCBને જાણવા મળ્યું કે કેમિકલ ઓક્સિજન ડિમાન્ડ એટલે કે કેમિકલ્સનું પ્રમાણ 5.2 ગણુ વધારે હતુ.

પ્રદૂષકોનું પ્રમાણ અનેકગણું વધારેઃ

મેગા પાઈપલાઈન ડિસ્ચાર્જ પોઈન્ટ પર ક્લોરાઈડનું પ્રમાણ 6.7 ગણુ વધારે છે. આ સ્પષ્ટ દર્શાવે છે કે સેન્ટ્રલ એફ્લુઅન્ટ ટ્રીટમેન્ટ પ્લાન્ટ એફ્લુઅન્ટને ટ્રીટ નથી કરી રહ્યા અને ધારાધોરણોનું પાલન પણ નથી કરી રહ્યા. સેમ્પલિંગ ટેસ્ટ સુપ્રીમ કોર્ટે 22 ફેબ્રુઆરી 2017ના રોજ કરેલા આદેશના પગલેકરવામાં આવ્યો હતો. કોર્ટમાં પર્યાવરણ સુરક્ષા સમિતિએ ઉદ્યોગના રસાયણો સાબરમતીમાં ઠલવાતા હોવા અંગે રિટ પિટિશન કરી હતી. આ સમિતિના સભ્ય રોહિત પ્રજાપતિએ ટાઈમ્સ ઑફ ઈન્ડિયા સાથેની વાતચીતમાં જણાવ્યું કે, “અમારા સેમ્પલિંગના પરિણામ દર્શાવે છે કે અમદાવાદથી 21 કિ.મી સુધી COD ચાર ગણો વધારે હતો. અમે હવે સુપ્રીમ કોર્ટમાં કન્ટેમ્પ્ટ પિટિશન દાખલ કરીશું. અમે કોર્ટને ડિસ્ચાર્જ કરવાના અને નહાવાના પાણીની ગુણવત્તના ધારાધોરણો પર ફેરવિચારણા કરવા પણ વિનંતી કરીશું.” પ્રજાપતિ ઉપરાંત ઈન્સપેક્શન ટીમમાં GPCBના રિજનલ ઑફિસર તુષાર શાહ અને નેહલ અજમેરા, પર્યાવરણ સુરક્ષા સમિતિના સભ્ય કૃષ્ણકાંત, સામાજિક કાર્યકર્તા મુદિતા વિદ્રોહી અને ગુજરાત હાઈકોર્ટના વકીલ સુબોધ પરમાર હતા.

from Page Array – I Am Gujarat https://ift.tt/2HSqL7f