બેઝ મેટલ્સમાં સામાન્ય બાઉન્સ બેક શક્ય

68595067

સુતનુકા ઘોસાલ

કોલકાતા:ઝિન્ક, લેડ, તાંબુ અને નિકલ જેવી બેઝ મેટલ્સમાં સપ્લાયની અછત હોવા છતાં માર્ચ મહિનામાં એકંદરે બેઝ મેટલ્સના ભાવ વધ્યા નથી. અમેરિકા તથા ચીન વચ્ચેની વ્યાપાર વાટાઘાટમાં વિલંબ થયો છે તે એક કારણ છે. જોકે, બજારના નિષ્ણાતો કહે છે કે એપ્રિલમાં કિંમતમાં સામાન્ય બાઉન્સ બેક જોવા મળી શકે કેમ કે ઔદ્યોગિક ઉત્પાદનમાં અપેક્ષિત વધારાના કારણે બેઝ મેટલ્સ માટેની સીઝનલ માંગમાં વધારો થઈ શકે છે.

અમેરિકન પ્રમુખ ડોનાલ્ડ ટ્રમ્પે રવિવારે ચાઇનીઝ ગૂડ્ઝની હેરફેરમાં વધારો કરવા માટેની પોતાની મુદતમાં વધારો કર્યો હતો. અમેરિકન વહીવટીતંત્ર ચીનને માળખાગત ફેરફારો કરવા માટે સમજાવવા એક મહિનાથી પ્રયાસ કરે છે પરંતુ અત્યાર સુધી કોઈ સફળતા મળી નથી.

બોનાન્ઝા પોર્ટફોલિયોના કોમોડિટી એનાલિસ્ટ જતીન ત્રિવેદીએ જણાવ્યું હતું કે, સમગ્રતયા જોઈએ તો બેઝ મેટલ્સમાં માર્ચ સિરીઝમાં અસ્થિર સેશન્સ રહ્યાં હતાં જેમાં તેજીવાળાઓની સરખામણીએ મંદીવાળાઓનો હાથ ઉપર છે. અમેરિકા તથા ચીન વચ્ચેની વ્યાપાર વાટાઘાટ વિલંબમાં પડી રહી છે ત્યારે તે બેઝ મેટલ્સની કિંમતમાં ઘટાડામાં પરિણમશે ખાસ કરીને તાંબા અને નિકલમાં આ સ્થિતિ સર્જાશે.

વિશ્લેષકો જણાવે છે કે ભારતીય બજારમાં રૂપિયો 71થી સુધરીને 69 થયો તેણે સમગ્રતયા બેઝ મેટલ્સની કિંમતને કરેક્ટ કરી છે. વિશ્લેષકો અપેક્ષા રાખે છે કે સપ્તાહમાં આગળ જતાં બેઝ મેટલ્સની કિંમતમાં કોઈ બાઉન્સ બેક જોવાઈ શકે કેમ કે રૂપિયો 68.50ના સ્તર પર થોડા અવરોધનો સામનો કરી રહ્યો છે.

હાલમાં રૂપિયામાં ઘટાડાની સંભાવના 69.40-69.60 સુધીની દેખાય છે જે બેઝ મેટલ્સમાં સપ્તાહમાં આગળ જતાં બેથી ત્રણ ટકા સુધારવામાં મદદ કરી શકે. ગ્લોબ કેપિટલ માર્કેટના વાઇસ પ્રેસિડન્ટ હિમાંશુ ગુપ્તાએ જણાવ્યું હતું કે, તાંબામાં ₹452-455 વચ્ચે મજબૂત રેલીની શક્યતા છે. એમસીએક્સ પર ઝિન્ક વધીને કિલો દીઠ ₹205 થઈ શકે. બીજી બાજુની વિચારણા કરીએ તો રૂપિયો 68.40થી પણ આગળ વધશે તો પછી 67.90નો સ્તર આવી શકે જે બેઝ મેટલ્સને ફરી નબળાઈમાં ધકેલી શકે.

ત્રિવેદીએ જણાવ્યું હતું કે, જે મેટલ્સમાં નબળાઈ જળવાઈ રહેશે તે મેટલ્સ નિકલ અને સીસું છે જેમાં અનુક્રમે કિલો દીઠ ₹865-845 તથા ₹135-133ની ઘટાડાની સંભાવના છે.

કોમટ્રેન્ડ્ઝ રિસર્ચ ખાતે ડિરેક્ટર જ્ઞાનસેકર થિયાગરાજન માને છે કે વિશ્વનાં કેટલાંક અગ્રણી અર્થતંત્રમાં વૃદ્ધિને લગતી ચિંતાઓ છે જે મેટલ્સની માંગ પર અસર કરે છે. કિંમતમાં જે બાઉન્સ બેક આવશે તે ટૂંકા ગાળા માટે જ હશે. મોટાં અર્થતંત્રો તરફથી જે આંકડા આવી રહ્યા છે તે મેટલ્સની માંગ અને કિંમતમાં વધારો લાવવા માટે સંતોષકારક નથી.

from Page Array – I Am Gujarat https://ift.tt/2FxDKsf