પૃથ્વીનો દમદાર ‘શો’, સુપર ઓવરમાં દિલ્હીએ KKRને હરાવ્યું

પૃથ્વીની શાનદાર ઈનિંગ, સુપરઓવરમાં જીત્યું દિલ્હી

પૃથ્વી શોના શાનદાર 99 અને કેપ્ટન શ્રેયસ ઐયરના 43 રનની મદદથી દિલ્હી કેપિટલ્સે કોલકાતા નાઈટ રાઈડર્સને IPL 2019ની 10મી મેચમાં.કોલકાતાએ દિલ્હીને 186 રનનો ટાર્ગેટ આપ્યો હતો જેની સામે દિલ્હી પણ 20 ઓવરના અંતે 6 વિકેટે 185 રન બનાવી શકી હતી અને બાદમાં પરિણામ માટે સુપર ઓવરની મદદ લેવાઈ હતી. જેમાં દિલ્હીએ 1 ઓવરમાં 10 રન બનાવ્યા હતા, સામે KKR માત્ર 7 રન જ બનાવી શક્યું હતું. DC માટે સુપર ઓવર કગિસો રબાડાએ ફેંકી હતી.

દિલ્હીનો ‘શો’ KKR પર ભારે

186 રનના ટાર્ગેટનો પીછો કરવા ઉતરેલી દિલ્હી કેપિટલ્સની ટીમે શિખર ધવન (16)ની વિકેટ જલ્દી ગુમાવી દીધી હતી. ત્યારબાદ કેપ્ટન શ્રેયસ ઐયર(43) અને પૃથ્વી શો વચ્ચે 89 રનની મોટી ભાગીદારી નોંધાઈ હતી જેને ટીમની જીતની આશા બાંધી હતી. ઐયરના આઉટ થયા બાદ શોએ જવાબદારી ઉપાડી લીધી હતી અને રિષભ પંત સાથે મળી ત્રીજી વિકેટ માટે 54 રન જોડ્યા હતા જેમાં પંતે માત્ર 11 રન બનાવ્યા હતા. જોકે, શો અનલકી રહ્યો હતો અને 99 રનના સ્કોરે આઉટ થયો હતો પણ તે પોતાની ટીમને જીતના દરવાજા સુધી પહોંચાડી ચૂક્યો હતો. જોકે, અંતમાં નાટ્યાત્મક વળાંક આવતા મેચ ટાઈ હતી અને સુપર ઓવર સુધી પહોંચી હતી જ્યાં દિલ્હીએ બાજી મારી હતી. શોએ 55 બોલનો સામનો કરતા 12 ચોગ્ગા અને 3 છગ્ગા ફટકાર્યા હતા.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

રસેલે 28 બોલમાં બનાવ્યા 62 રન

ફિરોઝશાહ કોટલા ખાતે IPL 2019ની 10મી મેચમાં કોલકાતા નાઈટ રાઈડર્સે દિલ્હી કેપિટલ્સ સામે જીત માટે 186 રનનો ટાર્ગેટ મૂક્યો છે. KKRએ આન્દ્રે રસેલના 28 બોલમાં 62 અને દિનેશ કાર્તિકના 36 બોલમાં 50 રનની મદદથી 20 ઓવરમાં 8 વિકેટે 185 રન બનાવ્યા. દિલ્હી તરફથી હર્ષલ પટેલે 2, રબાડા. લાછિમાને, મોરિસ અને અમિત મિશ્રાએ એક-એક વિકેટ ઝડપી.

રસેલના વિસ્ફોટક 62, કાર્તિકની કેપ્ટન ઈનિંગ

આ સમયે આન્દ્રે રસેલ ફરી ટીમનો સંકટમોચક બન્યો હતો. તેણે કેપ્ટન કાર્તિક (50) સાથે મળી ટીમને આગળ વધારી હતી અને આક્રમક અંદાજમાં બેટિંગ કરી હતી અને જોતજોતામાં 28 બોલમાં 62 રન બનાવી દીધા. તેણે આ ઈનિંગમાં 4 ચોગ્ગા અને 6 છગ્ગા ફટકાર્યા. તેણે કાર્તિક સાથે મળી 96 રનની ભાગીદારી નોંધાવી. તેની આ ઈનિંગની મદદથી કોલકાતાએ 20 ઓવરમાં 185 રનનો મોટો સ્કોર બનાવ્યો. કેપ્ટન કાર્તિકે પણ 36 બોલમાં 6 ચોગ્ગા અને 2 છગ્ગાની મદદથી 50 રન બનાવ્યા.

 

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2uD03rq