‘દબંગ-3’નું પ્રથમ પોસ્ટર રીલિઝ, રણબીર કપૂરની વધી શકે છે મુશ્કેલીઓ

આ દિવસે રીલિઝ થશે ફિલ્મ

સલમાન ખાનની નવી એક્શન સિકવન્સ ફિલ્મ દબંગ-3નું પોસ્ટર સામે આવી ચૂક્યું છે. આ પોસ્ટર સલમાને પણ પોતાના સોશિયલ મીડિયા પરથી શરે કર્યું છે. આ પોસ્ટરમાં કોઈનો ચહેરો દેખાતો નથી પણ સલમાનની બેસ્ટ બોડી પર પોલીસનો યુનિફોર્મ દેખાઈ રહ્યો છે. આ ફિલ્મમાં પણ સલમાનનું નામ ચુલબુલ પાંડે છે. સલમાન ખાને આ પોસ્ટર શેર કરતા કહ્યું હતું કે, ચુલબુલ ઈઝ બેક, દબંગ-3. આ સાથે સલમાન આ ફિલ્મ ક્યારે રીલિઝ થશે એ પણ કહી દીધું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

રણબીર કપૂર માટે એક મુશ્કેલી

ફિલ્મ દબંગ-3 આ વર્ષે 29 ડિસેમ્બરના રોજ રીલિઝ થશે. આ ફિલ્મ રણબીર કપૂર અને આલિયા ભટ્ટની ફિલ્મ બ્રહ્માસ્ત્રને ટક્કર મારે એવી શક્યતા છે. આ ફિલ્મની રીલિઝ ડેટ સામે આવતા જ બોલિવૂડમાં અનેક ચર્ચાઓ શરુ થઈ ગઈ છે. સલમાન ખાનની આ ફિલ્મથી રણબીર કપૂર માટે એક મુશ્કેલી ઊભી થઈ શકે છે. રણબીર કપૂર અને આલિયા ભટ્ટની ફિલ્મ પણ 20 ડિસેમ્બરના રોજ રીલિઝ થઈ રહી છે.

પહેલા તબક્કાનું શુટિંગ પૂરું

Chulbul is back….. #Dabangg3 @sonakshisinha @arbaazSkhan @Nikhil_Dwivedi @PDdancing @SKFilmsOfficial pic.twitter.com/CIChltEz95

— Salman Khan (@BeingSalmanKhan) April 26, 2019

ફિલ્મ દબંગ-3ના પ્રથમ તબક્કાનું શુટિંગ પૂરું થઈ ચૂક્યું છે. આ ફિલ્મનું શુટિંગ મધ્ય પ્રદેશના મહેશ્વરમાં થયું છે. આ સેટ પરથી સલમાનના ફોટા સોશિયલ મીડિયા પર શેર થઈ રહ્યા હતા. આ ફોટોમાં તેનું મસ્ત બોડી દેખાઈ રહ્યું છે તો બીજી તરફ તે નર્મદાના કિનારે પોઝ આપી રહ્યો છે. આ સિવાય લોકેશન પર સલમાન ફિલ્મ દબંગના એક ગીત હુડ હુડ દબંગ પર ડાન્સ કરી રહ્યો છે. એવો વિડીયો પણ સામે આવ્યો હતો.

સોનાલીનો રજ્જો લુક

ફિલ્મની એક્ટ્રેસ સોનાક્ષી સિન્હાએ પણ પોતાના ઈન્સ્ટાગ્રામ પર આ ફિલ્મનો એક લુક શેર કર્યો હતો. જેમાં તેણે પિંક અને વ્હાઈટ કલરની સાડી પહેરી છે. પહેલાની તુલનામાં તેના લુકમાં ખાસ કોઈ ફેરફાર જોવા મળતો નથી. પ્રભુ દેવા આ ફિલ્મને ડાયરેક્ટ કરી રહ્યો છે. રણબૂર કપૂર અને આલિયા ભટ્ટ પણ પોતાની નવી ફિલ્મને લઈને સ્પષ્ટતા કરી ચૂક્યા છે. કુંભના મેળામાં ખૂબ જ ધામધૂમથી આ ફિલ્મ અંગે પોસ્ટર રીલિઝ કરવામાં આવ્યું હતું. આ ફિલ્મનું કોઈ ટિઝર સામે આવ્યું નથી. આ ફિલ્મ ધર્મા પ્રોડક્શનની છે અને અયાન મુખરજી ફિલ્મને ડાયરેક્ટ કરી રહ્યા છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2ZFrIpG