ગેસ સિલિન્ડર લાલ અને લંબગોળ જ શા માટે હોય છે? આ છે કારણ

તમને ખ્યાલ છે આ?

આજે LPG સિલિન્ડરનો ઉપોયગ તો બઘા લોકો કરે છે. આ અંગેની કેટલીક વાતો ગૃહિણીઓને ખબર જ હશે પણ કેટલાંક એવા મુદ્દાઓ છે જેની જાણકારી તમારી પાસે હશે તો બમણો ફાયદો થશે. જેમ કે, તેનો રંગ લાલ જ શા માટે હોય છે? આકાર લંબગોળ જ શા માટે? કેવી રીતે જાણી શકાય તેના કેટલાક કોડ. જોઈએ એક રિપોર્ટ

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કોઈ ગંઘ નથી હોતી

LPG ગેસમાં કોઈ પ્રકારની ગંધ નથી હોતી. એટલે કે તેમાં કોઈ પ્રકારની વાસ કે દુર્ગંધ નથી આવતી. પરંતુ, જ્યાંથી સિલિન્ડરમાં આ ગેસ ભરવામાં આવે છે ત્યાં ગેસની વાસ આવે છે. ગેસમાં મોટા ભાગે ઈથેનોલ મરકેપ્ટન ઉમેરવામાં આવે છે જેનો ફાયદો એ થાય છે કે, ક્યારેક તેમાંથી ગેસ લીકેજ થાય છે ત્યારે ખ્યાલ આવે કે ગેસની વાસ આવી રહી છે. તેથી કોઈ મોટી જાનહાનિ થતા ટાળી શકાય છે. સમયસર તે ગેસ બંધ પણ કરી શકાય છે.

નીચે એક હોલ

દરેક ગેસ સિલિન્ડરમાં નીચેની બાજુ એક નાનકડો હોલ હોય છે. આવું એટલા માટે કારણ કે ટાઈલ્સ સાફ કરતી વખતે કે કોઈ અન્ય કારણોસર સંપર્કમાં આવે તો સિલિન્ડર સુરક્ષિત રહે. બાટલાને કોઈ પ્રકારનું નુકસાન ન થાય

લંબગોળ આકાર

સ્ટોર કરીને રાખવા ઉપયોગમાં લેવાતી કોઈ પણ ચીજવસ્તુનો આકાર ગોળ અથવા લંબગોળ હોય છે. આ પ્રકારના આકારથી ફાયદો એ થાય છે કે, સમગ્ર સિલિન્ડરમાં એક સરખું દબાણ ઊભું કરી શકાય. જો ક્યારેક સિલિન્ડર પર ઓછું અને વધારે દબાણ ઊભું થાય તો ખતરનાક નીવડી શકે છે.

કેટલો વજન?

ખાસી બાટલાનો વજન આશરે 15.3 કિલો હોય છે. જ્યારે તેમાં 14.2 કિલો જ ગેસ ભરેલો હોય છે. આ રીતે કુલ વજન 29.5 કિલો થાય છે. જોકે, જુદી જુદી કંપનીના સિલિન્ડરનો વજન જુદો જુદો હોઈ શકે છે.

લાલ રંગ જ શા માટે?

મોટા ભાગના ઘરવપરાશ માટે ઉપયોગમાં લેવાતા ગેસના બાટલાનો રંગ લાલ હોય છે જ્યારે વ્યાપારી ધોરણે ઉપયોગમાં લેવાતા ગેસના સિલિન્ડર બ્લુ રંગના હોય છે. જેની વચ્ચે લાલ રંગની એક પટ્ટી હોય છે. જોકે, દરેક દેશમાં બાટલાનો રંગ જુદો જુદો હોય છે. ભારતમાં લાલ રંગના બાટલા પાછળનું ખાસ એવું કોઈ કારણ નથી. તેમ છતાં એવું માનવામાં આવે છે કે, લાલ રંગ ખતરે કી ઘંટી કી સમાન. LPG એક જ્વલંતશીલ ગેસ હોય છે. જેના પરિવહનમાં જોખમ રહેલું છે. આ સિવાય તેને દૂરથી ઓળખી શકાય એ માટે બાટલાનો રંગ લાલ રાખવામાં આવે છે.

 

from I Am Gujarat http://bit.ly/2ID1v55