અગ્રણી ઉદ્યોગપતિ મુકેશ અંબાણી અને સુનિલ ભારતી મિત્તલ નાણાકીય સંકટમાં મુકાયેલા ટીવી નેટવર્ક ઝી ટીવી માટે સ્પર્ધાત્મક બિડ કરવા વિચારી રહ્યા છે, એમ આ અંગેની જાણકારી ધરાવતા લોકોએ જણાવ્યું હતું. વિશ્વના બીજા નંબરના સૌથી મોટા મોબાઇલ માર્કેટ ભારતમાં અત્યારે કન્ટેન્ટની માંગ છે. તેના માટે ટેલિકોમ કેરિયર વચ્ચે સ્પર્ધા જામી છે. ઝીના પ્રતિનિધિએ જણાવ્યું હતું કે કંપની અટકળો પર ટિપ્પણી કરતી નથી અને સંભવિત ભાગીદારો સાથે ‘સ્થિર સંવાદ’ ચાલી રહ્યો છે.
રિલાયન્સ જિયો ઇન્ફોકોમ અને ભારતી એરટેલે આ અંગે મોકલવામાં આવેલા ઇ-મેઇલનો પ્રત્યુત્તર આપ્યો ન હતો. સફળ ડીલ કરનાર કંપની વિડિયો સર્વિસિસ મેળવીને તેમની આવકમાં વધારો કરી શકશે અને સરકાર આ વર્ષે 5G એરવેવ્સ માટે તૈયારી કરી રહી છે ત્યારે આ સોદો મહત્ત્વનો નીવડી શકે છે. વિશ્વની કેટલીક સૌથી મોટી ટેલિકોમ કંપનીઓ એટી એન્ડ ટી, વોડાફોન ગ્રૂપ અને KDDI કોર્પે પણ ફિલ્મ અને ટીવી પ્રોડક્શન અને કેબલ ટીવી એસેટ ખરીદીને તેમના ગ્રાહકોની સંખ્યામાં વધારો કર્યો છે.
આ એસેટ્સ માટે બિડિંગ વધુ ઝડપી બન્યું છે, કારણ કે એન્ટરટેઇનમેન્ટ પ્રોવાઇડર્સ ઇન્ટરનેટ દ્વારા પ્રોગ્રામ ઓફર કરવા કન્ટેન્ટ એકત્ર કરવાનું આયોજન ધરાવે છે જેથી નેટફ્લિક્સ અને એમેઝોન ડોટ કોમ પ્રાઇમ સર્વિસ સાથે સ્પર્ધા કરી શકાય. ઝીની માલિકી સુભાષચંદ્ર પાસે છે. તે નેટફ્લિક્સ, એમેઝોન અને હજારો સ્થાનિક ટીવી ચેનલની સ્પર્ધાનો સામનો કરવા માટે વ્યૂહાત્મક રોકાણકાર મેળવવા પ્રયત્નશીલ છે જેથી ભારતની કન્ટેન્ટની વધતી જતી માંગને સંતોષી શકાય.
ઝી કુલ 173 દેશોમાં 1.3 અબજથી વધારે ગ્રાહકો ધરાવે છે. તેની 78 ચેનલો અને 4,800 મૂવી ટાઇટલ્સ છે. તેમાં અગાઉ સોની કોર્પ અને કોમકાસ્ટ કોર્પનો વધારે રસ જોવા મળ્યો હતો, પરંતુ હજી સુધી તે ખરીદદાર શોધી શકી નથી. ટીવી નેટવર્કે તેમના કુટુંબ દ્વારા અંકુશિત શેરોનો અડધો હિસ્સો વેચવાની ઓફર કરી છે જેમાંથી 59 ટકા લેણદારો પાસે જામીન તરીકે છે.
from Page Array – I Am Gujarat http://bit.ly/2K9lOth
No comments:
Post a Comment